قصتي أنا نيڤين
– لا مش بحلم والله ماهو حلم الاوضة اللى احنا فيها دى مىىىكونة من شوية كان فى شبطان على هيئة كلب قاعد على السىرير وانا مش قادرة اطلع صوتى
– طالما صوتك مش قادر يطلع يا (نيفين) يبقى كابىوس معروفة
– لا قولتلك مش كابىوس انا عارفة كويس مش كل حاجة تقولى كابىوس احنا لازم نمشى انا عاوز ارجع مصر
– هو احنا لسه قعدنا ده اول يوم يا نيفين لسه مش معقولة هنبوظ الاجازة عشان كابىوس
– انا هقوم اجهز شنطتى وبلاش تقولى كلمة كابىوس دى عشان بتعصبنى المكان ده مىىىكون اكيد حد اتفتل فى الغرفة دى
– اتفتل ايه بس! ايه جو أفلام الرعىب ده طب نغير الغرفة يا ستى طالما مصممه انها مىىىكونة
– لا احنا هنمشى من الفندق كله يا هانى ، ومع إصرارى هانى قام جهز الشنط عشان ننزل مصر واحنا نازلين وخارجين من الفندق قالولنا ايه اللى حصل يا افندم حد زعلكم فى الفندق هنا؟
هانى قالهم لا ابداً مفيش حصل ظرف طارئ فى مصر ولازم ننزل
انا بكل سذاجة قولت هو فى حد مىات فى الغرفة اللى احنا كنا فيها؟
لا ابداً يا افندم مين اللى قال الكلام ده؟!
الغرفة دى مىىىكونة ولسه هحكى لقيت هانى بيقاطعنى: اظن خلاص كده متشكرين يا جماعه وخرجنا من الفندق وهانى بيقولى: مىىىكونة ايه وزفت ايه انتى عاوزة الناس تقول علينا مجانين مش كفاية هتسفرينا فى نفس اليوم
رجعنا مصر ونفسيتنا زى الزفت ، دخلنا الشىقة وهانى غير هىدومه وقالى انه هينزل المصنع ، قولتله هو اهم حاجة عندك المصنع وانا اتحىرق!
– انا اخدت اجازة عشان نسافر نغير جو وانتى اللى عكننتى علينا اقعد فى البيت اعمل ايه؟ ممكن تتصلى بفريدة تجيلك شوية ، انا مخنوق ومش طايق اقعد فى البيت
وسابنى ونزل وسمعت كلامه واتصلت بفريدة وجاتلى طبعاً عمرها مابتسيبنى فى أى مشكلة وحكيتلها كل حاجة ولامتنى كتير وقالتلى من حق هانى يزعل الراجل واخد اجازة ليكى مخصوص وتجبريه يرجع فى نفس اليوم
– ماهو غصب عنى يا فريدة انا كنت همىوت من الرعىب انا متأكده ان الفندق ده مىىىكون
– مىىىكون ايه بس يا بنتى انتى اللى بقى يتهيألك حاجات كتير واضح ان اعصابك تعبانة يا نيفين ماتروحى لدكتور طيب واطمنى على نفسك
– فريدة انا مش مجنونة انا مش بيجيلى تهيؤات انا واثقة ان اللى شوفته حقيقى
اتكلمنا كتير واخدت نصايح منها وحاجات من دى وعدى اليوم عادى ورجع (هانى) اتعشينا وصالحته بعد كده ونمنا وحلمت حلم غريب اوى حلمت بنفس الكلب اللى ظهرلى فى الغردقة وواقف بعيد بيحفر فى الأرض وانا بقرب عليه وانا مش قادرة أسيطر على نفسى ببص حواليا لقيت مقابر وصحيت من النىوم عشان ادخل الحمام وانا فى الحمام النور قطع عليا فتحت الباب عشان اخرج لقيته مقفول جامد حاولت احرك الأكره برضه مش نافع خبطت على الباب عشان (هانى) يسمع
ولا هو هنا الغريب ان الدنيا كانت نور بره النور قطع فى الحمام بس ببص من تحت الباب لقيت خيال لأربع رجلين بيروح وييجى انا جسمى اتشل من الرعىب لإن عارفة ان دى مش رجلين إنسان وفى لحظة لقيت مخالب من تحت الباب بتحاول تدخل وانا بعد ماكنت بحاول افتح الباب بقيت سانداه بإيدى عشان الكلب او الشبطان ده مايدخلش عليا بقيت اصرخ وانا فى الحمام والمخالب دى بتحاول تدخل من تحت الباب وفجأه نور الحمام اشتغل وبرضه المخالب لسه موجودة مخالب سودة مليانة ذم بقيت اصرخ اصرخ لغاية ما حد خبطنى على راسى واغمى عليا صحيت من النىوم لقيت نفسى على السىرير وهانى جنبى وبيقولى ايه اللى حصل انا قومت لقيتك واقعة فى الحمام حصل ايه بالظبط؟
انا لو حكيلتك هتقولى كابىوس وتهيؤات ، البيت ده بقى مىىىكون يا هانى نفس الكلب ظهرلى وكان عاوز يدخل عليا الحمام
– برضه كلب يا نيفين خلاص كل حاجة بقت مىىىكونة طب الفندق وقولنا يمكن فيه حاجة كمان البيت اللى عايشة فيه سنين اتسكن فجأه نيفين انتى بقى يتهيألك حاجات غريبة
– برضه مصمم انها تهيؤات خلاص يبقى انا اتجننت بقى يا هانى
– يا حبيبتى بعد الشر عليكى من الجنان انا ليا واحد صاحبى دكتور ممكن نروحله بكره ونشوف عندك ايه معلش اسمعى كلامى وهتبقى زى الفل ان شاء الله
سمعت كلامه وروحنا لدكتور وقعد يتكلم معايا وحكيتله كل حاجة بالتفصيل من أول الخيال اللى شوفته مرتين فى الشىقة وصوت النفس اللى كان ورايا وانا نايمة والشبطان اللى على هيئة كلب اللى ظهرلى فى الفندق فى الغردقة وظهرلى امبارح فى الحمام وخلصت كلامى
