رواية براءتي كاملة
رواية براءتي الجزء الأول
ج. 1….#براءتى
___ انا حامل
.. ششششش.. اسكتى خالص!
___ فى ايه بقولك انا حامل؟
.. فهد قرب منها وبكل قوته نزل فيها ضــــرب وكانت على صر..خه واحده
__ الام “نعمات” فهد بيضرب براءه تانى.. البت دى مش ناويه تعديها على خير وبعلو صوتها.. اضــــ,,رب عاوزاك تكسر عضمها يا حبيب قلب امك
__ الابنه ” فريده” ايوه يا ماما كده خليه يمو..تها ونرتاح منها.. بس يا ترى بيضربها ليه؟
__ فهد نازل فيها ضـــــ,,رب ولما قرب من بطنها.. لا بلاش بطنى ابوس ايدك ” فهد” فتح باب الغرفه وخرج.
__ براءه اتخبطت فى حرف السرير وكانت بتتوجع من ألم الضــــ,,رب على جـــــ,,سدها النحيل
” نعمات” ادخلى بسرعه على اوضتك يا فريده
وفعلا سمعت كلامها ودخلت او..ضتها
“نعمات بنظره كلها خباثه ” جريت على فهد
مالك فى ايه يا قلب امك ” فهد بانهيار وذهول”
براءه حامل يا امى ” نعمات ضربت بإيدها على صدرها” حامل.. يا مصيبتى.. طيب حصل ازاى
وانت مبتخلفش من يوم الحادثه المشؤمه
مش كفايه انها السبب فى طردك وحرمانك من شغلك فى عز شبابك.. كمان هتبقى السبب فى فضيحتك قدام اهلنا وأهل البلد كلها
” فهد بغضب وغيظ ” جز على أسنانه.. انا محدش طردنى من شغلى.. أما الفاجره اللى جوه دى انا هموتها وادفنها بإيدى
وابتدت نظرات فهد تتحول.. عينه احمرت وبطق شرار.. وبقى يكسر اى حاجه تقابله فى البيت
مسك كذا فازه وكسرها ” نعمات بدموع وخباثه”
خلاص يا فهد مبقاش ينفع اهدى يا ابنى ابوس ايدك.. وبعدين انت كده هتسمع بينا الناس
ولكن فهد بيكسر ويكسر لما وصل للتمثال الأسود
وقف وبطل تكسير وافتكر انه كان هديه ابوه
بعد اول تكريم لى بعد ما قبض على اكبر عصابه
مخدارت
___ براءه قامت من مكانها وهى مصدومه😱.. فهد مبيخلفش.. طيب ازاى.. مش معقول.. حطت ايدها على بطنها.. طيب انا حامل من مين🥺؟
خرجت بره الغرفه وهى بتتألم من الضرب.. وبتمشى بخطوات بطيئه.. وقطرات من الدماء تنزف منها على الأرض
” نعمات” جريت عليها ومسكتها بكل قوه.. حامل من مين يا فاجره.. براءة بوجع وكسره.. حامل من ابنك يا طنط ” نعمات” ازاى.. براءة.. زى الناس
وقربت من فهد.. انا حامل زى اى ست بتكون حامل من جوزها ” فهد” ضربها بالقلم وشدها
من شعرها وسحبها على الأرض.. براءة بصرااااخ
اه انا حامل منك ولا انت مش راجل بقى وانا معرفش ” فهد” بيضربها بالرجل فى بطنها وهى
تنزف قطرات الدماء.. براءه بصراخ.. اضرب كمان
عاوزاك تموتنى يا فهد وبتستفزه.. وبقى يضرب
ويزيد فى الضرب” نعمات واقفه ايدها فى جمبها”
موت الفاجره دى علشان ارتاح.. موتها قبل ما
نتفضح فى البلد
براءه بصرااااخ.. اضرب كمان.. انا براءه بنت العمده يحصل فيا كده.. فهد بيزيد ضرب
وقومها من شعرها وعينه فى عينها وضربها بركبته
فى بطنها وكانت قطرات الدماء تزيد
براءه بوجع وبصتلو اوى.. اضرب ما انت عامل عليه انا ريتشارد وبسسس ووقعت من ايده
فهد سمع كلمه ريتشارد واتجنن.. انا ريتشارد ويضربها بالرجل فى جمبها وهى تصوت.. اضرب كمان “فهد بانهيار” ومحدش قدى ولا زي يا براءه الكلب يا بنت العمده.. انا هوريكى.. وجرى على المطبخ وبتوتر بيدور على سكينه
__ براءه شافتو وقامت من مكانها وهى بتتألم ودخلت غرفتها وقفلت الباب عليها ومسكت
الفون واتصلت باخوها الكبير ” وهدان” مردش
فتحت الواتس وعملت فويس وقالت.. الحقنى يا وهدان ريتشارد هيموتنى😱.؟
___ فهد خرج من المطبخ ومعاه السكينه
” نعمات مسكت ايده” لا ابنى ريتشارد اللى الناس كلها بتتحاكى بيه والكبير قبل الصغير بيعملو الف حساب خساره يروح فى بت فاجره زى دى انا هتصرف
____ من جهه أخرى فى الغرفه المجاوره لغرفه
فهد وبراءه.. آيات بتبص من خرم الباب وبتضرب بكف ايدها بالقلم على خدها.. هيموتوها😱 ولسه هتفتح الباب ” حماده مسك دراعها بقوه” انتى رايحه فين.. آيات بخوف.. هخرج احوش عن براءه ” حماده وحيات امك” يعنى انا مش سامع
ما انا قادر اخرج بس عارف ” ريتشارد لما يقوم فى غضبه محدش بيقدر عليه.. آيات.. بس كده هتموت 🥺
” حماده ” ما تموت ولا تغور.. آيات.. حرام كل ده علشان حامل يعنى هى كانت اذنبت فى ايه بس
“حماده” الكل عارف ان فهد اخويا مش بيخلف بعد الحادثه وبعدين البت كل يوم والتانى عند اخوها فى العزبه تلاقيها غلطت مع حد علشان تورث وطبعا لما عرفت انه ناوى يكتب الأرض ويورثها لابنى اللى جاى وحط ايده على بطنها
آيات.. معقول براءة تغلط.. البنت متربيه وبنت ناس.. دى بنت العمده ومش محتاجه حاجه
دول عندهم فلوس واطيان بالملايين.. لا لا انا مصدقش فى براءة كده
” حماده” اسكتى انتى متعرفيش حاجه.. بنت العمده دى اخويا خسر شغلو بسببها وابوها نفسه مستعر منها ومش هطول منه قرش واحد .. بنت العمده دى اخويا ريتشارد اللى كلنا بنتباهى بيه ونتحامى فيه نسى انه اكفأ ظابط علشان يتجوزها ويستر عليها.. آيات بذهول.. يستر عليها
” حماده بتوتر” بقولك ايه يلا نامى وانا كمان هنام ولا كأننا سمعنا حاجه
___ براءة فى غرفتها وبتحاول تكلم اى حد
بعد ما عملت الفويس ويدوب سابت الرساله وبصت فى الفون وشافت شرطتين باللون الأزرق
اتصلت ب ” وهدان” مشغول وثانيه واحده والفون رن وفتحت ولسه هترد
الباب اتفتح عليها وكانت فريده اخت فهد وحماتها
ومعاهم اتنين من اللى بيخدموا فى البيت
اتنين ستات طول وعرض وكل واحده والتانيه
فيها قوه ولا الرجاله
براءه بذهول.. ايه عاوزين منى ايه.. نعمات حماتها
ست عفيه وفيها قوه تهد جبال قربت منها
براءه نزلت على الأرض من الخوف وبصوت
ضعيف.. الحقنى يا وهدان .. هيموتونى.. وبلجله والله انا حامل من فهد.. صدقينى ” نعمات” فهد مبيخلفش يا فاجره.. براءة.. كذب والله كذب
” نعمات مسكت الفون وقفلتو” وبلا قلب ورحمه
شاورت لستات وقربوا من براءه وشالوها وراحوا ناحيه البلكونه..
الفصل الثاني من هنا
رواية براءتي الجزء الثاني
ج..2…#براءتى
_” نعمات مسكت الفون وقفلتو” وبلا قلب ورحمه
شاورت لستات وقربوا من براءه وشالوها وراحوا ناحيه البلكونه..براءه بصراخ.. انا مظلومه وبتحاول تخلص نفسها منهم
الباب اتفتح وكان” فهد” ايه ده يا ماما.. انتم بتعملوا ايه.. الام بصت وراها.. ايه هخلصك من المصيبه دى.. براءة بانهيار.. انا مظلومه والله مظلومه” فهد” جرى عليها وطلب من الستات يخرجوا ” نعمات بغيظ” ايه اللى انت عملتو ده
فهد.. بتعملوا ايه فى مراتى ” نعمات بزعيق وغضب” بقت مراتك دلوقتى ما انا ياما قولتلك بلاش الجوازه اللى توجع القلب دى.. البت دى من ساعه ما دخلت البيت والبلد كلها بتتكلم علينا
___ فهد قرب من براءه وشالها ونيمها على السرير
وشاف على هدومها قطرات الدم وطلب من أمه واخته فريده يخرجوا بره الغرفه
فريده بغيظ.. ازاى نخرج يا ريتشارد.. دى حامل
وانت عارف انك مبتخلفش.. دى فضيحه وقربت
من براءه ومسكتها بقوة وضربتها على بطنها.. البت دى لازم تسقط.. فهد مسكها وضربها بالقلم
وبانهيار.. ومين قالك انى مبخلفش.. انتى مجنونه
ومسك ايدها بعنف وطلب منها تخرج بره الغرفه..فريده بغضب.. انت بتضربنى علشانها.. ماشى يا فهد وخرجت بره الغرفه ” الام” خرجت وراها وهى مستغربه
من موقفه وبقت تكلم نفسها وتضرب كف بكف
انا عمرى ما هفهمك يا فهد ولا هعرف دماغك دى
فيها ايه.. فريده بغيظ ماسكه خدها..ده ضربنى
بالقلم علشانها ومن الواضح كده ان ابنك عقله اتلحسو واتجنن .. بس والله ما هعديها ودخلت
غرفتها ” الام” طلبت قهوه وقعدت تشربها
الشغاله ” ام فرحات” ابتدت تظبط البيت مكان
ما فهد كان بيكسر ” نعمات” انا داخله انام وابقى
صحينى الصبح بدرى علشان عندى مشوار
” ام فرحات” حاضر يا ست هانم.. احضر لحضرتك
لقمه تاكليها ” نعمات” لا.. وسابتها ودخلت غرفتها ورزعت الباب وراها
___ براءه نايمه على السرير وهى منهاره.. فهد فتح الدولاب وجاب منه هدوم لبراءه غير
اللى هى لابساها وقرب منها وقعد جمبها.. خدها فى حضنه.. براءه بخوف.. انا حامل منك انت
فهد.. ششششش مش عاوز كلام فى الموضوع ده دلوقتى ممكن ومسك بإيده مكان الدم وقلعها الروب وشاف كدمات على دراعها مكان الضرب
قرب منها وحس بدفئ جسدها وعينه فى عينها
وخدها فى حضنه وباسها.. انا اسف.. اسف يا براءه
اسف على اللى ماما عملتو فيكى
براءه بدموع.. كان نفسى تقولى اسف يا حبيبتى
وتحس بيا وتحبنى زى ما بحبك وبعدت عنه
فهد بعنف وابتسامه .. قربها من حضنه وضمها لى .. طيب متبعديش بدل ما اجيبك من شعرك
براءة.. ما انت من شويه جبتنى من شعرى.. نفسى افهمك انت مجنون ولا شكلك كده ولا فيك ايه
انا مش فهماه؟
فهد.. انا جبتك من شعرك.. براءه بتعجب.. ايوه
ده انت مرمط بيه البيت كله لما قولتلك انى حامل
فهد بذهول..مسك دماغه.. انا ضربتك.. معقول
براءه،.. ايوه لما قولتلك انى حامل
فهد بتعجب شديد ” وكأنه اول مره يسمع خبر حملها” .. ايه ده انتى حامل بجد وحط
ايده على بطنها ونسى كل اللى عملو وقرب منها وبيسمع نبضات البيبى
براءه بذهول.. فهد انت طبيعى.. انا حاسه،
انك فيك حاجه غلط.. شويه طيب وحنين.. وفجأه
تتقلب ويبان وش ليك تانى انا معرفوش
وش كله ضرب واهانه واتهامات ليه وش بعيد عن فهد اللى حبيته
حطت ايدها على شعره.. فاكر اول مره شوفتك فيها.. فهد.. طبعا ودى حاجه تتنسى وضحك جامد
براءه.. انت بتضحك على ايه 😁 ” فهد” اصل
يا براءه انتى كنتى هبله اوى ناكشه شعرك وفى
ايدك سيجاره وماسكه كاس عصير تفاح وقال ايه
عامله نفسك بتشربى هههههههه بس انا قفشتك
وشوفتك وانتى بتبدلى الخمرا بالعصير وعرفت
وقتها انك غير الناس اللى بتسهرى معاهم
براءة.. اه وانت كنت داخل ومعاك بنت عمك ولابس البدله وعامل فيها حامى الحما.. انت كنت بتحبها صح.. فهد.. اه وجدا كمان
براءة ضربته على كتفه.. انت بتستعبط فى وشى كده؟!
وقطع كلامهم فون فهد لما رن.. مسك الفون وخرج يرد بره الغرفه وكان صاحبو
__ براءه اتنفضت من مكانها ومسكت فونها واتصلت باخوها ” وهدان” ولما رد عليها قالها
انه فى الطريق بس هى قالتلو يرجع
وهدان بغضب.. يعنى انتى متصله بيا فى نص الليل وتقولى انه هيموتك وبعد كده عاوزانى ارجع
تانى ما كان ما جيت ولعلمك مش اول مره على كده.. براءه بدموع.. المره دى انا حامل
وهدان.. حامل😱 يا وقعتك السوده على دماغك
براءه.. ايوه حامل.. هو عيب ولا ايه
وهدان بغضب.. لا مش عيب يا بنت ابوى بس العيب انك تحملى من راجل انتى عايشه معاه على، كف عفريت.. كل يوم بحال والله ما عارف اباركلك ولا اندب على حظك
براءه بشوشه.. انا حاسه ان فهد مش طبيعى ولازم اعرف فى ايه بالظبط.. وهدان.. انا جاى وهخدك على دارى وفيها موته لو قرب ليه او ليكى
براءه.. ابوس ايدك بلاش تيجى وقامت من مكانها علشان تشوف فهد وكان لسه بيتكلم فون
وكملت كلامها.. انا هعيش مع جوزى مهما كانت الظروف والاسباب ومش هسمح لحد يدمر حياتى
مش هسمح لابنى او بنتى يعيشوا نفس مأساتى
ويعيشوا بين ام وأب منفصلين.. انت اكتر واحد عارف انا ادمرت قد ايه فى بعد بابا عننا انا وماما
وهدان بغضب.. خلاص نزليه وخلصينا منه
براءه.. لا مش هنزل ابنى من فهد ولو سمحت متجيش وانا اسفه انى كلمتك
وهدان بزعيق.. انتى غلط وحياتك غلط وانا مش جاى وهمسح رقمك من عندى خالص وخلى بقى سى فهد ينفعك وقفل السكه
اتراكمت الدموع فى عينها.. ورمت الفون جمبها
انا عارفه انى غلطانه يا وهدان بس غصب عنى
فهد داخل عليها بيغنى.. انا اكتر واحد بيحبك
وقعد جمبها.. ايه ده انتى بتعيطى.. فى ايه
براءه.. اصل ايدك كانت جامده شويه
فهد.. انا مش مصدق انى ضربتك وقرب منها
وحضنها.. انا اسف يا حبيبتى.. متزعليش من ماما
براءه.. مامتك وفريده بيكرهونى وانا عارفه ليه
كل ده علشان انت اترفد بسببى.. بس والله انا
مكنتش اعرف انهم هيعملوا فيك كده؟؟
فهد حط ايده على شفايفها.. مش عاوز كلام دلوقتى.. انا عاوزك انتى وبسس.. انسى اللى فات
ان شالله لو ساعه واحده وباسها.. براءه.. انا بحبك
اوى ومقدرش استغنى عنك ونامت على صدره
فهد بيبوس شعرها ونزل عند جبينها وبيبوسها
ولما نزل عند شفايفها.. براءة.. ايه ده انت بتعمل ايه.. فهد.. نعم انتى مراتى.. براءه.. مينفعش دلوقتى ابعد عنى انا حامل ” فهد 🤨” يتمنعن وهن راغبات.. براءه.. على فكره دى اهانه واهانه كبيرة كمان.. فهد.. اه والله يعنى اللى انا فيه ده من ايه.. منك انتى ومن حنيتك عليه ومن نظره عينك اللى اتجنن
براءه.. بردوا مينفعش وقامت من جمبه
فهد.. بس ايه الدم ده.. براءة بسلبيه.. كالعادة من الضرب” فهد بخجل” انا اسف بس، والله ما اعرف،
بيحصل ازاى الموضوع ده بجد انا مش عارف
اعمل ايه؟ .. براءه واقفه قصاد المرايا وبتغير
قربت منه.. روح دكتور نفسى علشان خاطرى
فهد.. برفض وبشده ومتتكلميش تانى فى الموضوع ده ممكن؟
براءه طيب وسع كده ونامت جمبه
فهد حس انها نامت وقعد يفكر طول الليل
فى موضوع الحادثه وان الدكتور وقتها قالوا انه
فى احتمال كبير انه ميخلفش وكان احتمال
وممكن يخلف وفى نفس الوقت خايف يظلم براءه
ونام بعد تفكير طويل
___ وفى صباح اليوم التالى فهد قام من النوم
وغير هدومه من غير ما براءه تحس خالص
ونزل وراح لمستشفى خاصه وكشف وعمل كل
التحاليل اللازمه علشان يعرف انه بعد الحادثه
بيخلف ولا لأ وبعد ما خلص الدكتور قالوا اسبوع
والنتيجه تظهر.. وخرج من المستشفى على البيت
وكان بيتعامل مع براءة معامله كويسه جدا
وهى كانت طايرة من الفرحه لمجرد انها حست
بالأمان مع فهد وانه اتغير من يوم ما سمع خبر
حملها حتى اخته ومامته كانوا مستغربين من
المعامله دى وملاحظين ان فهد متغير
ولكن محدش فيهم يعرف نواياه وانه بيعمل
تحاليل تثبت انه بيخلف ولا لأ
____وبعد مرور 7 ايام من ميعاد التحاليل
وعلى غير ميعاد وقفت عربيه قدام البيت الكبير
ونزلت منها بنت فى غايه الجمال وهى” أسرار”
بنت عم فهد ” أسرار بنت جميله بيضاء عينها ملونه شعرها اصفر وممشوقه القوام”
أسرار الحب الاول فى حياه فهد.. هى كانت بتحبو وهو كان بيعشقها بس سابتو من غيرته الفظيعه عليها.. ولما اترفد من شغلو طلب منها يتجوزا ويعيشوا فى الارياف وهى رفضت وطلبت منه البعد سابو بعض وبعدها اتجوز من براءه
_اسرار دخلت البيت الكبير والكل استغرب انها
جت تقعد معاهم ولما شافت فهد خدته فى حضنها
وحشتنى يا ابن عمى.. فهد.. عاااا
براءه بغيره.. هى مين دى ان شاء الله
فريده.. ضرتك يا حبيبتى.. قصدى الاكس بتاعت
فهد.. براءة 🤨.. الاكس؟!
___ فون فهد رن ومصدق جرى على الفون وكان
الدكتور وطلب منه انه يكون عنده حالا علشان
التحاليل طلعت
فهد خد عربيته وطيران على المستشفى ولما
وصل كانت نبضات قلبو سريعه وطلب التحاليل
وخرج الدكتور بالتحاليل وكانت النتيجه صادمه …
الجزء الثالث من هنا
رواية براءتي الجزء الثالث
ج. 3…#براءتى
متشكره جدا حبايييب قلبيييي على التفاعل القمر ده 🙈
___ كانت النتيجه صادمه لما فهد عرف انه بيخلف بعد الحادثه.. خرج من المستشفى والدنيا مش سيعاه من الفرحه.. وكان كل تفكيره ان ازاى يقدر يسعد براءه ويحافظ على ابنهم اللى جاى
__ركب العربيه وقرر انه يعمل مفاجئه لبراءه بمناسبه حملها.. راح عند واحد صاحبو وكان صاحب اكبر محلات مجوهرات واتفق معاه على سلسه وخاتم وحلق الماظ وكلهم بحروف B و F
وبعد كده راح على اكبر محلات تورت ولما دخل المحل.. مجهوله.. فهد باشا اتفضل.. اهلا بحضرتك
” فهد بتعجب” حضرتك تعرفينى.. مجهوله.. ايوه
مش حضرتك ظابط ولا انا غلطانه ” فهد بحزن”
كنت ظابط.. مجهوله بتعجب.. كنت.. طيب ليه؟!
ده حضرتك ظابط كفأ وعندك ضمير “فهد بكسره”
الحمدلله.. بس تعرفينى منين.. مجهوله.. ومين
هنا ميعرفش الظابط فهد وزى ما بيقولوا عليك
ريتشارد
باب المحل اتفتح ودخلت بنت جميله 7 سنوات
وكان لابسها مقطع وباين على شكلها انها بتتسول
شدتو من التيشيرت.. عمو عمو ممكن حته جاتوه
العامل شد البنت بوحشيه.. تعالى بره يلا اطلعى
بره.. البنت ونبى يا عمو انا عاوزه حته جاتوه
” فهد بانفعال للعامل” سيب البنت.. وشدها من ايده.. وطى ونزل على الأرض.. انتى عاوزه جاتوه
يا حبيبتى.. البنت بابتسامه هزت راسها بأه
” فهد” طلع من جيبو فلوس واداها للبنت وخلاها اختارت الجاتوه اللى عاوزاه وقالها.. الجاتوه ده
بمناسبه انى فرحان النهارده اوى.. البنت بضحكه بريئه.. انت طيب اوى يا عمو.. شكرا وخدت الجاتوه وخرجت تجرى بره المحل
” فهد بتجاهل” لو سمحت انا كنت عاوز تورته كبيره مكتوب عليها اسم براءه.. المجهوله.. بنتك ربنا يبارك فيها وكل سنه وهى طيبه ” فهد” لا براءه تبقى مراتى.. المجهوله.. اه ربنا يخليكوا لبعض.. اكيد عيد زواجكم ” فهد بفرحه” المدام حامل وكنت عامل لها مفجاه.. بس ياريت تكتبى تحت اسم براءه بخط يكون واضح بدر وبتول
المجهوله.. ولادك ” فهد بزهق” لا دى اسماء انا اختارتها علشان لما تولد هنختار واحد منهم اذا كان ولد ولا بنت.. المجهوله بهزار.. واضح كده يا فهد باشا انك ديكتاتور مش المفروض المدام يكون ليها حق الاختيار ولا ايه 🤣 ” فهد بعصبيه”
وانتى مالك.. اسف وابتسم.. لو سمحت شوفى حساب التورته كام وان شاء الله انا عاوزها بكره بالليل الساعه 10 ياااا.. المجهوله.. انا هناء والمحل
ده بتاع ابن خالتى ولو حضرتك عاوز اى حاجه تحت امرك
ومتخافش هنعملك احلى تورته وبأجود الخامات
” فهد” ميرسى.. هناء.. ممكن العنوان؟
___ طلع كارت من جيبه بالعنوان والفون وحاسب
وخرج على محل ورد اللى جمبهم
__ هناء واقفه بتبص على فهد وهو فى محل الورد وبتكلم نفسها.. يااه الدنيا صغيره اوى يا جدعان.. سبحان الله معقول الصدفه تجمعنى بيك وهنا فى اخر الدنيا يا فهد باشا 😱
وقالت بصوت عالى للعمال وبتوعد .. انا عاوزه احلى تورته تكون جاهزه بكره الساعه 9 بالليل والاوردر ده مدفوع حقه ومش عاوزه فيها غلطه واحده علشان الزبون ده متوصى عليه اوووى
ورمت الكارت على الأرض
__ فهد خرج من محل الورد وركب عربيتو وهو مبسوط جدا وطلع على البيت الكبير
______فى البيت الكبير _______
اسرار بعد ما فهد خرج قعدت فى غرفه الضيوف
وغيرت ولابست قميص ووقفت فى الشباك
براءه قاعده فى الجنينه مع آيات سلفتها
آيات بخجل.. مبروك على الحمل وبالله عليكى
متزعليش منى لأنى امبارح مقدرتش اساعدك
ولا حتى احوش عنك.. بس والله غصب عنى
براءه مش واخده بالها وعينها على اسرار
آيات.. براءه.. براءه
براءه.. عااا نعم فى حاجه
آيات.. انا بقولك مبروك على الحمل.. بس انتى مش واخده بالك خالص
براءه بغل.. انا واخده بالى من الاكس وبسسس
آيات.. عااا.. اكس ايه؟
براءه.. الاكس.. مش عارفاها وبصت على اسرار
آيات.. اه قصدك أسرار.. الصراحه هى حلوه
براءه بزعيق وغيره.. هى مين دى اللى حلوه
دى عجله وشكلها وحش.. هى علشان بيضاء وشعرها اصفر تبقى حلوه
آيات بابتسامه.. انتى بتغيرى بقى.. براءة.. انا اغير
لا طبعا.. انا مش بغير ولا حاجه.. كل الموضوع
انها كانت حبيبت فهد وانا خايفه عليه منها
وخصوصا انها وشها مكشوف.. انتى مش شايفه
هى واقفه فى الشباك ولابسه ايه وخصوصا احنا فى بلد ارياف.. واضح كده انها بنت مش سهله
وبردوا بغير وهموت من الغيره.. انا حاسه انى هطق 🥺
آيات.. يا بنتى ايه كل ده والله انا حاسه انك مكبره الموضوع.. فهد بيحبك وانتى بتحبيه وكلها كام شهر وهتبقى ام بنته او ابنه وصدقينى كل دى هواجس فى دماغك انتى وبس علشان بتحبى فهد
حبتين
براءه.. قلبى قايد نار 🔥 انا حاسه انا هموت من البت دى وهاين عليه اطلع اجبها من شعرها
آيات بضحك.. انا موتتتتت ضحك منك يا بنتى فى ايه بس أهدى يا منار 🤣
براءه.. وكمان منار 🤣 مش كفايه عليه اسرار
___ فهد وصل وداخل البيت مبسوط وبيغنى ولما
شاف براءة قرب منها وباسها.. بحبك.. آيات.. احم
احم.. نحن هنا وبصت لبراءه وقالت بشويش
واضح كده ان الغزاله رايقه واستأذنت وقامت
” فهد” مسك ايدها.. حبيبى وحشتينى اوى
براءة بغيظ وغيره.. هو ايه اللى جاب البت دى هنا
” فهد بتجاهل” بت مين عااا بت مين وبيبص
شمال ويمين.. براءه مسكته من دقنه.. البت الاكس بتاعتك.. البت البيضاء ام عين ملونه.. اه يا نارى..
البت العجله الشقرا دى “فهد بغيظ وابتسامه” اه قصدك بنت عمى.. طيب بذمتك يا شيخه دى عجله.. والله البنت جسمها مظبوط وزى القمر
وسرح وبيغيظها.. براءه ضربته على خده بقلم
دلع وحنيه.. انت يا استاذ سرحان فيها صح
لا انا بالشكل ده هموت منك ” فهد” بعد الشر
عليكى يا حبيبتى.. بقولك ايه انا عاملك مفجأه
وسهره إنما ايه هتعجبك اوى.. براءة مسكت بطنها
اه انا حاسه بمغض مش عارفه ليه ” فهد بلهفه”
تحبى نروح لدكتور.. براءه.. لا يا حبيبى لو حسيت
تانى هقولك ” فهد بحب” انا عاوزك بكره قمر
__ فريد سامعه كلامهم وقربت منهم وقالت بحده
فهد.. ماما عاوزاك.. ” فهد” طيب لان انا كمان عاوزها وخد براءه ودخل بيها جوه البيت
__ اسرار نازله ولابسه القميص والروب
براءه بغيظ.. هى ايه اللى نازله بيه ده المفروض
ان فى رجاله فى البيت ” فهد” وطى صوتك
براءة.. حاضر.. بس قلبى قايد نار
اسرار.. ازيك يا فهد.. معرفتنيش على المدام
انت يدوب شوفتنى ولقيتك مشيت ده انت حتى
مقبلتش ضيفتك يا ابن عمى وقربت منه بوشوشه
وحبيبى ولا ناسى ” فهد بتجاهل” براءه مراتى
اسرار مدت ايدها.. ازيك يا مدام.. براءه🤨.. اهلا يا اكس.. أسرار.. نعم؟ براءه.. ازيك يا اسرار بس ايه اللى جابك يا حبيبتى.. آسرار.. هى مالها دى
براءه.. ايه مالى ما انا زى الفل اهو ده انا حتى حامل.. اسرار.. والله.. مبروك.. مبروك يا فهد
وقربت منه.. بس مراتك معصعصه اوى.. قصدى
رفيعه خالص🤣 وانت بتحب البنات المربربه
ولا غيرت رأيك.. براءه بغيظ وغيره.. انا سمبتيك
يا حبيبتى وجسمى فرنساوى الدور والباقى على
العجله المفشكله.. أسرار.. انا عجله ومفشكله
ماشى ودخلت غرفتها ” فهد” ايه اللى بتعمليه
ده.. براءه.. بدافع عن حقى فيك ” فهد” هى مش
فى بالى ولا شغلانى.. ارجوكى مش عاوز دوشه
براءه بعصبيه.. طيب قولى ايه اللى جابها وانت متجوز.. البت دى مش سهله.. رجعالك لما لقيتك
استقريت وعايش حياتك.. جايه تنكد علينا بنت
ال….. ” فهد ” ده بيت عمها وانا قولتلك هى مش فى بالى وخدها من ايدها على غرفه مامته
وقال ل فريده تنده حمادة علشان عاوزاهم فى كلمتين وقال قدامهم انه عمل تحاليل وعرف ان
انه بيخلف والحادثه مأثرتش فيه وحكى قدام
براءه كل حاجه تخص الحادثه.. هى اتصدمت
بس فرحت جدا لما فهد خلى مامته واخته يعتذروا ليها على اللى عملوه معاها وكان بيحاول
يصلح ما بينهم إنما فريده ونعمات كان ليهم رأي
تانى وهو انهم بيكرهو براءه ومش عاوزين منها
أطفال.. فهد شال براءه ودخل بيها على غرفتها
” نعمات بغيره وغيظ” فهد فرحان انه بيخلف بس
اوعدك أن ابنك هيكون من أسرار وبسسس
فريده.. ايوه يا ماما.
___ بعد مرور يوم على أبطال القصه
براءه خرجت تعمل شعرها وميك اب
اما فهد ظبط غرفه النوم وكانت الحاجه وصلت
التورته الورد وطقم الالماظ وحضر عشاء
رومانسى جميييل.. براءه رجعت البيت وكانت
زى القمر.. فهد قابلها على باب البيت وشالها وفتح باب الغرفه برجله ولسه هيدخل بيها
فريده بصرااااخ😱.. ماما ماما
فهد نزل براءة بسرعه من على دارعو والاتنين دخلوا عليها الغرفه جرى على صراخ فريده
وكانت نعمات بتمثل انها تعبانه وعندها انتفاخ والم فى بطنها جامد.
___ اسرار خرجت من غرفتها على صوت الصراخ
ولمحت غرفه فهد مفتوحه.. دخلت وشافت الورد
و التورته وطقم الالماظ والعشاء.. الغيره ولعت
فى قلبها واتجننت وحلفت انها لازم تبوظ الليله
___ فهد خرج من غرفه مامته على عربيته علشان
فيها برشام هضم ينفع مع حالتها
ولما فتح باب العربيه كانت ضلمه ومش شايف
كويس.. لقى جوه العربيه بنت نايمه غريبه ميعرفهاش😱
.. ايه ده انتى مين وبتعملى ايه هنا!
البنت.. انا نور يا عمو ” فهد بذهول” نور مين؟
وفجأه سمع صوت براءه وهى بتصوت.. الحقونيييييييييييي.. الحقنييييي يا فهد
بص وشافها فى غرفتها والنار ماسكه فيها وفى الغرفه.
الجزء الرابع من هنا
رواية براءتي الجزء الرابع
ج.4….#براءتى
متشكره جدا حبايييب قلبيييي على التفاعل القمر ده 🙈✨
___ فهد شاف النار ساب البنت وجرى
على براءه
” نور بدموع” عمو عمو انت رايح فين وسايبنى لوحدى.
براءه بصراخ وماسكه فستانها.. الحقونيييييي😱
فهد خد طفايه الحريق وطفى النار وفستان براءه
__براءه كانت مخنوقه ومش قادرة تتنفس من الدخان اللى مالى الغرفه كلها.. شالها ونزل جرى
على العربيه ولما فتح الباب ” نور بفرحه” عمو انت
جيت.. انا كنت فاكره انك هتسبنى لوحدى
” فهد بعصبيه” انزلى بسرعه.. البنت خافت منه
وعيطت ” فهد” بقولك انزلى.. البنت نزلت وهى بتعيط ووقفت قصاد الباب.. براءة ركبت جمبه
وبتكح جامد ” فهد بلهفه خوف” حبيبتى هتبقى
كويسه.. فتح شباك العربيه علشان تحاول تتنفس
ونسى وقفل الباب ولسه هيطلع.. نور بدموع وصراخ.. ونبى يا عمو متسبنيش لوحدى وبتخبط
بإيدها على الباب.. فتح الباب اللى ورا وطلب
منها تركب وطلع على المستشفى ولما وصل
براءه كانت مخنوقه وبعد الكشف الدكتور
طلب تعمل جلسه اكسچين وبعد ربع ساعه
براءه فاقت وابتدت تتنفس
براءه 🥺.. فين فهد.. الممرضه.. بره يا مدام
وتقريبا كده عند المدير بيحققوا معاه.. براءه😱
بيحققوا معاه ليه.. هو عمل ايه؟ الممرضه.. متقلقيش اوى كده ده مجرد اجراء روتينى علشان
حضرتك جايه هنا المستشفى.. حاله اختناق
وممكن يكون الموضوع فى شبهه جنائيه وطبعا
لازم نتأكد علشان لو التزم الأمر الإدارة بتعمل
محضر وبتبلغ الشرطه فورا
براءه بخوف.. استرها يارب
خارج الغرفه نور قاعده لوحدها وخايفه
___ من جهه أخرى فهد فى الاداره وقاعد مع المدير لأنه يعرفوا كويس ولما سألو عن اللى حصل قال انه كان عامل سهره بسيطه وفيها شموع والقط اللى فالبيت اكيد وقع الشمعدان واتسبب فى حرق الغرفه وطبعا المدير عارفو
كويس ومشككش فى كلامه لحظه وقفل التحقيق
___ خرج بسرعه وراح على غرفه براءه يطمن
عليها بعد ما فاقت وكان ناسى نور تماما كل
همه ان مراتو تبقى كويسه
ولما دخل عليها خدها فى حضنو.. حبيبتى عامله
ايه دلوقتى.. براءه.. انا كويسه الحمد لله
” فهد” حط ايده على شعرها وباسها.. حصل
ايه يا ماما.. براءه بدموع ووجع.. انا خرجت
من اوضه طنط نعمات علشان اشوف عندى حاجه
لمعدتها لقيت الاوضه كلها دخان ونار على الترابيزه والحاجه اللى عليها مولعه
حاولت اطفيها إنما النار مسكت فى طرف الفستان
محستش بنفسى غير وانا بنادى عليك ومش قادره اتنفس.. بجد المنظر فظييييع😱😭
“فهد بذهول”انا عارف اكيد القط هو اللى وقع
الشمعدان.. براءه.. قط ايه يا حبيبى.!؟
” فهد بعصبيه” القط الزفت ده.. براءه بتكلم نفسها
القط مات.. معقول فهد نسى🥺
” فهد بغضب” انتى بس تقومى بالسلامه واول
لما نوصل البيت انا همشيه.. والله ما قاعد فيها
تانى.. ده اللى ناقص انه يموتنا كمان
براءه بتوتر.. اه يا حبيبى لازم يمشى اكيد
الباب اتفتح وكانت الممرضه ومعاها نور
يا باشا بنتك بتعيط ومش عارفه اعمل معاها ايه!؟
براءه.. بنت مين؟ واتنفضت من على السرير
بنت مين.. انتى مجنونه ولا ايه دى مش بنتنا
نور جريت على حضن فهد.. عمو متسبنيش
وباست ايدو ” فهد بتعجب شديد” انتى مين؟
نور.. انا يا عمو مش فاكرنى.. براءه بتوتر.. انت مين يا بنتى.. نور بدموع وبتشد تيشرت فهد
عمو عمو متسبنيش ابوس ايدك” فهد بذهول”
بص لبراءه.. حبيبتى متعصبيش نفسك انتى تعبانه.. براءه.. مين البنت دى ممكن اعرف ولا
مينفعش ” فهد” انا معرفهاش اصلا كل اللى حصل
انى لقيتها قاعده فى العربيه واستغربت جدا
ولسه بكلمها لقيتك بتصرخى.. براءة.. انت مصدق
نفسك ” فهد بابتسامه” نعم انتى مش مصدقه
والله اقوم اجيبك من شعرك وشدها بهزار
براءه.. انت اكيد بتخونى ودى بنتك” فهد”
انتى عبيطه ولا شكلك كده.. براءه.. ما انت متقنعنيش ان الموضوع بسيط اوى كده
لقيت بنت متعرفهاش فى عربيتك والدنيا عادى
والمفروض انا أصدق صح ولا ايه
نور بدموع.. بصت لبراءه.. لو سمحت يا طنط
متزعقيش لعمو ده طيب اوى علشان إدانى فلوس
وجاتوه وطبطب عليه” فهد” معقول انتى البنت
اللى كانت فى المحل وقام من جمب براءه
ووقف وبص ل نور اوى ومسك فستانها.. بس
شكلك اتغير اوى.. انتى كان شعرك منكوش
ولابسه مقطع.. إنما شكلك متغير تماما
نور بدموع.. ناس طيبين اوى زيك كده يا عمو
شافونى وانا بشحت.. عطفوا عليه واشتروا ليه
الفستان ده ونضفونى واكلونى
فهد.. اومال هما فين ومين اللى قالك مكان البيت
بتاعى وبعدين دخلتى عربيتى ازاى؟
نور بدب برجليها على الأرض وبتعيط وبتصرخ
كانوا هيودونى القسم علشان اروح الملجأ
هربت منهم.. ناس وحشه.. وانا مش عاوزه اروح
الملجأ وانهارت ” فهد بتوتر” خلاص يا حبيبتى
اهدى وخدها فى حضنه.. نور بصتلوا اوى.. انت
مش هتودينى الملجأ صح ” فهد 🥺” لا يا حبيبتى
وقرب من براءه.. صدقتينى بقى انى معرفهاش
وهى مش بنتى يا مجنونه.. براءه بدموع.. باين
عليها انها بنت غلبانه اوى بجد صعبت عليه
الباب اتفتح وكان الدكتور وكشف على براءه
واطمن عليها وكتب لها على خروج بعد ما اتأكد
انها مش محتاجه جلسات تانى
__ وفعلا براءة خرجت مع فهد ونور معاهم
وفى الطريق.. نور.. انا جعانه اوى.. براءه.. يا حبيبتى لما نروح البيت هعملك حته اكله إنما
هتعجبك اوى.. نور بفرحه.. بجد يا طنط
براءه.. اه يا حبيبتى ” فهد” واضح كده انك حبيتها يا قلبى.. براءه طلبت منه يقف بالعربيه ونزلت ركبت ورا جمب نور وخدتها فى حضنها ولمست شعرها بكل حنان.. بجد البنت صعبانه عليه اوى.. انا حاسه انها بنتى
” فهد بيفكر وقال فى سره” يا ترى البنت دى
عرفت البيت ودخلت عربيتى ازاى وسألها
نور انتى عرفتى البيت ودخلتى عربيتى ازاى؟!
وداس فرامل ووقف بالعربيه.. نور بخوف وبلجلجه..انننن انا بعد ما عرفت ان الناس
هيودونى القسم هربت ومشيت اشحت
فى الشوارع ولقيت نفسى واقفه قصاد بيت كبير
وشوفتك وفرحت اوى يا عمو.. كنت عاوزه اكلمك
بس الست اللى بتشتغل عندكم رخمه مشتنى
وقالتلى.. يلا أمشى يا شحاته.. وانا فضلت قاعده
قدام الباب وكنت بعيط ولما لقيتو اتفتح ومفيش
حد دخلت البيت وشوفت العربيه وقعدت فيها
براءه.. فين بابا وماما يا حبيبتى
نور 🥺.. بابا وماما راحوا عند ربنا
براءه خدتها فى حضنها وعيطت.. يا حبيبتى انتى يتيمه زى بالظبط ” فهد بذهول” براءه بتقولى ايه
براءه.. اه انا يتيمه وبابا عايش مفيش فرق
ما بنا صدقنى يا فهد.. يمكن هى يتيمه علشان ربنا عاوز كده إنما أنا يتيمه بأمر بابا من يوم ما سابنا
انا وماما لوحدنا فى القاهره وحرمنى من حبه وحضنو وكمان اخواتى .. انا فعلا يتيمه🥺
وبصتلوا اوى وعينها فى عينه.. بس من يوم ما
عرفتك انت وحياتى كلها اتغيرت من يوم ما شوفت حنيتك عليه
وحسيت انك ابويا واخويا وكل حاجه ليه
رغم ضربك ليه ” فهد بخجل” معرفش موضوع
الضرب ده بيحصل ازاى بجد انا اسف.. بس
سيبك انتى الليله باظت والهدايا اتفحمت بس
فداكى يا حبيبتى.. انا هعملك سهره تانيه
براءة.. انا مش عارفه مين وقع الشمعدان
فهد.. ما انا قولتلك القط.
براءه.. ممم اه اه وقالت فى سرها.. كل لما افتكر
انك ناسى موضوع القط وازاى مات بجد بضايق
وبحس انك فيك حاجه مش طبيعيه
نور بتبص لفهد اوى وقالت.. طنط ممكن انزل واركب قدام جمب عمو ” براءه بتعجب”
ليه ما انت قاعده جمبى هو انا مش عجباكى ولا ايه ” فهد بضحك” حبيبتى دى طفله ها ولا ايه
براءه بابتسامه.. وانا يا حبيبى بهزر معاها 😘
_____فى البيت الكبير _____
نعمات فى غرفه اسرار.. شاطره انك ولعتى فى الهدايا كلها والله خساره فيها.. اسرار بغيظ.. والله كان نفسى اولع فيها هى نفسها
بنت الكلاب دى وحيات شنب ابوها
العمده ما هسيبها ولا اخليها تتهنى ليله واحده
فى حضن فهد ” نعمات” ايوه كده انا عاوزاكى
تبعدى البت دى عن البيت خالص وعاوزه حفيدى
منك انتى يا بنت الغالى.. اسرار.. حاضر يا مرات
عمى وحبيبتى.. بجد ربنا يخليكى ليه ❤️
” نعمات” انا عارفه انك بتحبى فهد وهو كمان بيحبك.. انا عاوزاكى تستخدمى كل الحيل علشان تاخديه من بنت العمده اللى كانت سبب فى رفده
اللى ابوها العمده رميها هى وامها فى مصر ويوم
ما سألنا عليها.. كانت كل الناس بتتكلم عليها،
وتقول امها المصون كل يوم مع راجل شكل
انا رفضت بس هو دماغو ناشفه وعنيد
وصمم يتجوزها بعد ما لفت دماغو
وشوفت بعينى ابنى الظابط اللى الناس كلها
بتعملو الف حساب تحت رجل براءه.. تصورى
ليله الدخله.. ابنى انا المحترم عمل ايه
” اسرار بتعجب” ليله الدخله.. عمل ايه يعنى
” نعمات بغيظ وغيره” كان بيبوس رجلها زى
الأطفال.. كان ملهوف عليها وانا امه عمرى ما شوفت اللهفه دى فى عينو لأى حد
اسرار.. مرات عمو ممكن سؤال ” نعمات” قولى
اسرار.. غريبة اوى وحضرتك شوفتى انه بيبوس رجليها ازاى؟
” نعمات” اليوم ده كان قلبى قايد نار وانا شيفاه
فى الكوشه مش على بعضو وكل شويه عاوز الفرح يخلص ولما قام انا دخلت فى اوضتى
وبعيد عنك كنت مضايقه ومخنوقه اوى
روحت خرجت وفتحت عليهم الباب ومعايا
العشا وشوفتو بيبوس رجليها ومحسش بيا
غير وانا بكلمو ولما سبت العشا وخرجت قفل
الباب بالمفتاح.. قال يعنى علشان محدش يدخل
عليهم وخدها وسافر بيها وعيشها احلى عيشه
اسرار بغيره.. خلاص يا مرات عمى.. وحياتك
اسكتى علشان انا بجد مضايقه ولازم نطلق فهد
من براءه فى اققرب وقت
” نعمات” هو مش هيطلقها وانا متأكده انا بس
عاوزاكى تقهريها وتبقى ضرتها ووقتها بس
هى مش هتستحمل وهتمشى، من هنا خالص
” ام فرحات الشغاله من ورا الباب”
يا مصيبتى الغل والكراهية دى كلها لست براءه
الطيبه اللى شايله ابنك فى عينها ومستحمله
مزاجو وعصبيته وضربو ليها.. معقول فى ام
كده تخرب على ابنها.. لا حول ولا قوة الا بالله
” عربيه فهد وقفت قدام باب البيت ونزلت منها براءه ومعاها نور فى ايدها
__ فهد ركن العربيه وقفل باب البيت وشال براءه،
على ايده وعينه فى عينها وهو مش متخيل
ان اللى ورا الحريق ده حد من البيت
كل تفكيرو ان القط اللى مات لسه عايش
وهو اللى وقع الشمعدان
__ نور بنت تبلغ من العمر 7 سنوات بس اللى يشوفها علشان مليانه شويه وطويله يديها 11 سنه جميله عيونها سودا وواسعه وشعرها اسود طويل.. قمحويه اللون.
__ ” ام فرحات واقفه ورا الباب ولما سمعت صوت فهد جريت على المطبخ ونعمات خرجت من غرفه
اسرار جرى قبل ما حد يشوفها وشافتو شايلها
على ايدو وكانت مضايقه.. اسرار خرجت
وجريت على فهد ومسكت ايدو.. حبيبى قصدى
فهد.. حصل ايه.. انا اتصلت بيك كذا مره وكان
غير متاح علشان اطمن عليك انت والمدام
براءه بدلع.. انا كويسه.. يلا فهد دخلنى اوضتى
نور.. عمو عمو انا هدخل معاكم
اسرار بتعجب.. مين البنت دى!
” نعمات” صحيح هى مين البنت دى؟
فهد.. دى نور ضيفتنا يا ماما وقال بصوت عالى
ام فرحات.. خرجت من المطبخ وعينها كلها حزن
نعم يا بيه ” فهد” انا عاوز تعملى لنور القمر دى
أجمل غرفه فى البيت ” ام فرحات” من عنيه يا بيه ” فهد” ظبطى الاوضه مكان الحريق
” ام فرحات ” ايوه يا بيه.. علشان الترابيزه بس
اللى باظت بالحاجه اللى عليها وانا ظبطها
وخلتها فل ورشيت معطر علشان ريحه الدخان
والحمد لله مفيش اى حاجه فى الحيطان
” فهد بزعيق” توتو توتو توتو.. فين القط ده
انا عاوزاك ترميه فى الشارع ” ام فرحات بتعجب”
قط ايه يا بيه.. براءة غمزت لها.. القط يا ام فرحات.. رددت وقالت اه حاضر يا بيه
” نعمات” بقولك ايه دخل مراتك اوضتها وتعالى
عاوزاك ” فهد بحب وعينه فى عين براءه”
ماما مينفعش الموضوع ده يتأجل دلوقتى انا تعبان وعاوز اقعد مع مراتى واطمن عليها
” نعمات بغضب وابتسامه خباثه” طيب يا حبيبى
ربنا يخليكوا لبعض فهد خد براءة على اوضتهم
ودخل وساب نور مع ام فرحات معتمد عليها
انها هتحضر لها كل حاجه لانه عارف انها ست
طيبه وبتحب الأطفال.. ولما دخل الاوضه نيم براءه على السرير بس هى قامت تغير الفستان
فهد بص مكان الترابيزة ولقاها مش موجودة
وكان مضايق جدا أن السهره والمفجأه راحت
كان نفسو يفرح براءه ويعوضها
نور.. تيته حضرتك اسمك ايه ” نعمات بوحشيه”
وانتى مالك يا بت انتى.. وبقرف يلا يلا على المطبخ ادخلى نامى وبصت لها اوى ونور الخوف
بان فى عينها وبقت ترتعش.. بقولك ايه يا اختى
سيبك من فهد وبراءه خالص.. انتى هنا تبعى انا
ومسكت ايدها بقوه وغباء.. هتحمينى وتلبسينى
وتخدمينى فاهمه يا بت.. انتى هنا هتعيشى
بلقمتك وشدتها من شعرها.. فاهمه ولا تحبى
أكرر الكلام تانى.. نور بخوف ودموع وانهيار
وشهقه.. حاضر يا تيته ” نعمات” انا ستك فاهمه
نور بدموع ورعشه.. حاضر يا ستى.. وزقتها ناحيه
المطبخ ” ام فرحات” ست نعمات انا حضرت اوضه
نور ” نعمات” اوضه مين يا اختى.. البت المتسوله
دى هتنام فالمطبخ يلا خوديها وطفحيها اى حاجه
” ام فرحات بخوف” حاضر يا ستى.. تعالى يا نور
___فى غرفه فهد ___
براءه نايمه على السرير وفهد قاعد جمب رجلها
وبيبوسها.. براءه.. بحبك اوى وقربت منه ” فهد”
وانا كمان بحبك يا قلب فهد وبيبوس رجليها
وبراءه مغرمه بحبه ليها ودفء جسمه اللى هى
حساه
___ اسرار بتشاور ل نعمات وقالت لها.. البت نور
دى جت فى وقتها ” نعمات” ليه بقى دى حته عيله
خدامه ملهاش لازمه.. أسرار.. بس فايره وتنفع
نعمات.. تقصدى ايه.. اسرار.. اقصد ان براءه تغير
من نور ولو ده حصل فهد هيطلقها بكل سهوله
نعمات بذهول.. دى عيله.. اسرار.. لا مش عيله
انا هظبط وسيبى ليه الموضوع ده.. نعمات.. انا
عارفه ابنى مش هيبص لغيرر براءه يقوم يبص
لحته عيله.. اسرار.. بقولك سيبى الموضوع ده ليه
انا وخرجت اسرار وشافت نور بتعيط من كلام
نعمات وقالت.. حبيبتى.. انتى واقفه كده ليه وبتعيطى ليه.. نور بدموع وشهقه.. تيته قصدى
الست الكبيره زعقت فيا وانا خايفه منها لا تودينى
القسم واروح الملجأ.. أسرار.. وفين ام فرحات
نور.. مش عارفه.. بس خرجت من هنا
اسرار.. متخافيش من حد كفايه عليكى فهد
وبسس هو طيب خالص.. نور.. عمو فهد طيب
وحنين وادانى جاتوه.. أسرار.. بلاش تقوليلو يا
عمو علشان بيزعل.. قوليلو.. يا فهد وبس
هيفرح اوى وبخباثه.. نعمات دى وحشه وغبيه
وانا شايفه انك خايفه منها علشان ممكن توديكى
الملجأ.. نور بخوف ورعشه.. انا عاوزه أمشى من هنا.. اسرار.. لا لا بقولك ايه انتى دلوقتى تتدخلى
على فهد وبرءه اوضتهم وتنامى جمبهم وشاورت
على الاوضه.. هما هيحفظوا عليكى وطول ما انتى
جمبك فهد متخافيش من نعمات ولا اى حد
نور فرحت اوى وجريت على غرفه فهد وفتحت
الباب..
الجزء الخامس من هنا
رواية براءتي الجزء الخامس
ج. 5…#براءتى
___ نور فتحت الباب ” فهد😱” ايه ده فى ايه؟!
جريت عليه.. عمو عمو انا عاوزه انام معاكم هنا
“فهد” قام من على السرير.. براءه حست بالخجل لما شافت نور وبصتلو اوى ” فهد” حبيبتى المفروض قبل ما تتدخلى تخبطى الأول على الباب وتستأذنى.. نور بدموع.. انت زعلت يا عمو
” فهد بعصبيه” ام فرحات.. انتى يا ام فرحات وخرج من الغرفه وشاف اسرار وتجاهلها تماما
” ام فرحات داخله من الباب وبتجرى” نعم يا بيه
” فهد بغضب” انتى ازاى تخلى البنت تفتح علينا الباب.. ام فرحات.. بنت مين؟ ” فهد” نور.. ايه
نسيتيها وبنرفذه.. مش انا قولتلك تجهزى اوضه علشان تنام فيها..ام فرحات بلجلجه.. يا يا بيه
الست نعمات قالت تنام فى المطبخ وحضرتك عارف انا مقدرش اكسر كلمتها” فهد بحده” طيب اتفضلى روحى جهزى اوضه ليها وحالا ومن غير ولا كلمه.. ام فرحات قلقت من شكلو وجريت
علشان تجهز الاوضه زى ما قال.
__ فهد قعد على الكرسى وولع سيجاره
وبيهز فى رجلو ودى العاده بتاعتو لما بيكون متعصب او متوتر.. أسرار قربت منه.. تحب اعملك فنجان قهوه مظبوطه معايا ” فهد” لا لا شكرا
مش عاوز.. اسرار بعصبيه.. فى ايه.. انت بتعاملنى
ليه كده.. وانا كنت عملتلك ايه لكل ده
” فهد بسخريه وشوشه” مفيش حاجه يا هانم كل اللى عملتيه كان عادى جدا لما اترفدت من الشغل وقلعت البدله حضرتك كنتى اول الناس اللى خذلونى.. اسرار.. كان غصب عنى وانت عارف ليه!
” فهد” اه عارف.. فعلا انا عارف كل حاجه.. عارف
ان حضرتك اتخطبتى بعد ما سبتينى بأسبوع
وكنتى مبسوطه والفرحه مش سيعاكى
انا شوفتك بعينى لابسه فستان الفرح وايدك فى ايد راجل تانى.. شوفتك لما لابسك الدبله وكنتى
مبسوطه بيها.. السيجاره خلصت ورماها على الأرض وطفاها بالجزمه.. انتى بالنسبه ليه ولا شئ
انا خلاص نسيتك ونفسى تصدقى بقى وياريت
بلاش تتكلمى فى الموضوع ده تانى
اسرار.. بس انا لسه بحبك يا فهد والله بحبك
انا بضيع من غيرك يا ابن عمى ” فهد” ما انا ضعت
وملقتش حد جمبى غيرها.. اسرار بتعجب.. تقصد مين؟ ” فهد بحب” حبيبتى براءه
اسرار بنرفذه.. براءه.. براءه هو مفيش غير الزفته
دى اللى ابوها رماها وامها ماشيه على حل شعرها
” فهد بغضب” اخرسى وضربها بالقلم.. دخلت تجرى على اوضتها وهى منهاره وبتوعد.. ماشى
يا ابن عمى.. مبقاش انا اسرار لو ما خربت بيتك
وخليت الزفته دى تمشى من هنا خالص
___ ام فرحات خلصت الغرفه وجهزتها وبلغت
فهد وطلبت منه نور علشان تنيمها بس هو كان متعصب من اللى حصل بينه وبين أسرار
ودخل الغرفه على براءه وشاف نور نايمه
فى حضنها والاتنين نايمين ومحدش فيهم حس بيه لما دخل عليهم وخد بعضو وراح غرفه نور
اللى جهزت علشان ينام فيها.
___ام فرحات واقفه بتكلم نفسها.. انا لازم اقولوا
ان اسرار والست نعمات هما سبب الحريق وكمان
بيدبروا لى مؤامره علشان يطلق براءه و يتجوز
من بنت عمو وبعد كده اترددت وقالت.. اخاف
لا يكذبنى وميصدقنيش وخدت بعضها وراحت
على اوضتها بس كان ضميرها بيأنبها
___ فى صباح اليوم التالى الكل قام من النوم
وكانت ام فرحات محضره السفره وبيفطروا
” نعمات بتعجب” اومال فين أسرار يا ام فرحات
ليه مجتش علشان تفطر.. ام فرحات.. معرفش يا ستى انا دخلت اصحيها بس ملقتهاش فى الاوضه
فريده.. ايه ده اومال هتكون راحت فين على الصبح كده يا ماما ” نعمات” معرفش.. طيب كلميها على المحمول يا بنتى.. فريده مسكت الفون ولقيتو فاصل.. فهد لو سمحت اتصل بيها انت ” فهد بحده” تليفونى جوه على الشاحن
” نعمات بنرفذه” طيب قوم هاتو وكلمها
__ فهد قاعد متنح وبيكلم نفسو.. اكيد زعلت من اللى حصل امبارح ويمكن حست على دمها ومشيت
نور.. كفايه انا شبعت يا طنط براءه
براءه.. الف هنا وشفا يا حبيبتى” نعمات بقرف”
والله عشنا وشوفنا وسفره فهد باشا يقعد عليها
متسولين ” فهد” ماما انتى بتقولى ايه
” نعمات بزعيق وغضب” وقامت من على الفطار..
بقول اللى سمعتو متسوله قاعده بتاكل معانا.. فريده.. ماما طيب كملى فطارك “نعمات” انا طفحت خلاص نفسى اتسددت ودخلت اوضتها
فريده بنرفذه.. فى ايه يا فهد.. معقول تكلم ماما بالطريقه دى وانت عارف انها تعبانه ومش بتاكل غير بالعافيه.. طيب كنت خليها تكمل فطارها وبعدين نكد عليها.. براءة.. انا هقوم اعتذر لها
واقولها تخرج تكمل فطار ولسه هتقوم.. فريده..
لا خليكى انتى.. انا هقوم اشوف ماما ومشيت وهى بتقول.. اذا كان ماما مش طيقاكى انتى اصلا
كتك القرف والله كان يوم اسود يوم ما اتجوزتى
فهد واتكتبتى على اسمو.
براءه🥺.. فهد هو انا غلط فى حاجه.. انا مش
عارفه هما بيعاملونى ليه كده.. انا عارفه انك اتجوزتنى غصب عنها ” فهد” ششششششش
حبيبتى انا مش عاوزك تضايقى نفسك خالص
ممكن ولا اجيبك من شعرك وشدها بهزار وباسها
براءه.. اي اي والله انت بتهرج وغمزت علشان
نور قاعده وقالت.. كملى فطار يا حبيبتى
” فهد بابتسامه” مبسوطه يا نور.. نور هزت راسها
بأه بس حكت لفهد كل اللى مامته قالتو ليها
وطبعا هو كان عارف من الشغاله بس، الكلام
اللى قالتوا كان جديد على براءه
براءه بحزن.. مامتك قاسيه اوى يا فهد
” فهد” هى كده وده طبعها هعمل ايه.. دى امى
يا براءة والواجب عليها احترامها مهما عملت
براءه.. عارفه يا حبيبى وانا مقدره ده بس المشكله
ان نور طفله مش هتفهم ده
نور.. عمو عمو ” فهد” نعم يا حبيبتى.. نور.. انا عاوزه اطلع العب فى الجنينه اللى برا أصلها فيها
ورد وزرع حلو اوى وانا بحب الورد
___ اسرار رجعت من برا ومعاها شنط كتير
ولما شافت نور جريت عليها.. الجميل صحى
صباح الخير يا قمر.. نور.. صباح النور.. اسرار
طلعت الشنط وهى بتبص لفهد وبراءه
حبيبتى الحاجه دى كلها ليكى شوفى كده
نور فرحت جدا وبقت ملهوفه على فتح الشنط
وبقت تفتحهم وهى مبسوطه.. اسرار.. ايه رايك
حلوين.. ده انا صحيت الصبح بدرى مخصوص
علشان اشترى ليكى الهدوم واللعب دى كلها
نور مبسوطه جدا وبقت تطلع الهدوم وتفرجهم لفهد وهو كان مضايق جدا
براءه.. قولى لطنط شكرا يا نور
نور قربت منها وباستها.. شكرا يا طنط اسرار
اسرار.. ممكن اخد البنت معايا علشان تقيس
الحاجه ولا فى مشكله.. براءه.. لا مفيش
اسرار.. انا بكلم فهد على فكره
براءة.. وانا وفهد واحد يا انسه
فهد.. شد براءه عليه وباسها قدامها وكان بيغيظها
اسرار بنرفذه.. تعالى يا نور معايا وخدتها ودخلت
بيها على اوضتها.
براءة.. البت دى مستفزه حرقت دمى على الصبح
منها لله ” فهد” فكك منها خالص خليكى فى الحمل بس انتى يا حبيبتى.. براءة وشها اتغير
ومسكت بطنها.. اه طبعا يا حبيبى
” فهد بتعجب” فين حماده ومراتو مش موجودين
يعنى.. براءه.. انت متعرفش انهم طلعوا يومين
اسكندريه ” فهد” يا بختو طلع مصيف من غيرى
براءه.. لا آيات قالت إنه رايح شغل وهى راحت معاه تشم هوا.. اصل مامتك اتخانقت معاها بالليل
بس نسيت اقولك ” فهد” لا حول ولا قوة الا بالله
والله آيات دى زى النسمه.. انا مش عارف امى
بتعمل ليه كده وخدها فى حضنو.. علشان تعرفى
ان مش انتى بس ولا موضوع جوازى منك غصب
عنها.. الموضوع كله ان طبعها كده
اهو انتى شوفتى بنفسك آيات بتعاملها ازاى رغم
انها من اختيارها هى 😂 وبردوا مش نافع
براءه.. ربنا يهديها ويهدى فريده.. أصلها شاربه
منها ومن طبعها كتير ” فهد” المهم حبيبتى البيبى
اخباره ايه.. براءة.. الحمد لله كويس جدا
” فهد” هو كويس والحمد لله بس لازم اطمن
عليكى وتروحى معايا عند دكتوره كويسه جدا تتابعى عندها شهور الحمل لحد ما تولدى
براءه بتوتر.. اه بس مش دلوقتى المفروض من التالت وانا لسه فى تانى شهر” فهد” اوك يا روحى
براءه براحه.. ان شاء الله يا حبيبى
” فهد بتعجب شديد ” هو فين القط مش باين
من امبارح.. براءة بلجلجه.. اه القط مش انت طردتو امبارح علشان وقع الشمعدان
” فهد بتوهان ” اه اه.. انا مش عاوز اشوف وشه تانى بوظ الليلة منه لله.. بس انا هعوضك بالليله
تانيه يا حبيبتى
__ نور خرجت من غرقه أسرار ولابسه فستان
جديد ومسرحه شعرها وجريت على فهد وقعدت
على حجره ” براءه بغضب” قومى يا نور عيب كده
” فهد” حبيبتى دى طفله.. براءه.. اه طفله بس
مينفعش تقعد على حجرك ولازم تعرف ان ده عيب.. نور قامت وبدموع.. انا اسفه يا طنط
انتى زعلتى.. براءه.. لا يا نور بس عيب يا حبيبتى
وبصت لفهد.. على فكره البنت عاوزه تتعلم حاجات كتير.. لازم تعرف الصح من الغلط
فهد.. كله بشويش وبراحه
براءه.. بقولك يا نور يلا حبيبتى روحى العبى فى
الجنينه شويه.. وفعلا خرجت وهى بتجرى وفرحانه اوى
براءة قربت منه وقالت.. انت هتعمل ايه فى موضوع نور ده.. هى البنت هتقعد هنا على طول
ولا ناوى تعمل حاجه ” فهد” مش فاهم قصدك؟
براءه.. كلامى واضح وانت عارف اقصد ايه بالظبط ” فهد” انا شايف انك مبسوطه بوجودها معاكى وده مفرحنى اوى.. براءه.. طيب هتقعد بمناسبه ايه.. نفترض ان البنت حد سأل عليها
او حصل اى حاجه احنا مش عاملين حسابها وقتها بقى هتحصل مشاكل والله اعلم هنخرج منها ازاى
وبنرفذه.. مامتك مش طيقاها وده مخوفنى اكتر
” فهد بتجاهل” بقولك ايه انا خارج الجنينه اشوف
نور..براءه.. طيب وانا هقول لام فرحات تعملك نسكافية من اللى بتحبو وهطلع اقعد معاكم
وخرج فهد الجنينه.. أما براءه دخلت بنفسها تعمل
النسكافيه وبعد ما عملتو.. شافت اسرار خارجه
من غرفه نعمات وقالت.. ربنا يستر
وبصت من شباك المطبخ وشافت فهد قاعد مع الكلب ونور قاعده معاه وبتضحك.. ابتسمت وخرجت ب النسكافيه وقعدت معاهم
وفى ذلك الوقت كانت إسرار بتراقبهم وبتتوعد لهم.. وبعد مرور ساعات ويوم طويل وجميل
بوجود نور مع براءه وفهد
نور.. انا عاوزه انام يا عمو ” فهد” ام فرحات
خودى نور على اوضتها.. براءه.. حبيبى انا هدخل معاها انيمها.. نور بفرحه.. بجد يا طنط وحضنت
براءة وفعلا دخلت معاها الغرفه
ونيمتها على السرير وبعد ما راحت فى النوم
قامت من جمبها بشويش علشان متقلقش ولسه
هتخرج بره الاوضه.. سمعت صوت فون على وضع
الاهتزاز.. رجعت تانى بعد تركيز وبقت تقرب من
الصوت والفون كان تحت مخده نور
خدته بسرعه من غير ما تحس وفتحت وسمعت
صوت مجهوله بتقولها.. حطيتى الشنطه مكان
ما قولتلك.. يلا اهربى بسرعه والفون اتقفل
براءة.. الو الو.. انتى مين وبتحاول تتصل بيها
مغلق.. وقالت.. انا لازم ابلغ فهد بسرعه ولسه
هتخرج.. سمعت صوووت عربيه الشرطه
بصت من الشباك وشافت الشرطه محاوطه البيت
من كل اتجاااه.. وقالت بصرااااخ. فهد😱
الفصل السادس من هنا
رواية براءتي الجزء السادس
ج.6…#براءتى
___ براءه بعد ما الفون اتقفل اكتشفت ان فى مؤامره بتحصل والطرف فيها الطفله نور ولسه
هتبلغ فهد سمعت صوت عربيه الشرطه
بصت من الشباك وشافت الشرطه محاوطه البيت
من كل اتجاااه.. وقالت بصرااااخ. فهد😱
وقفت مكانها متسمره ومش عارفه تعمل ايه بقت
تجرى فى الغرفه شمال ويمين.. فتحت الباب وقفلتو بالمفتاح وخرجت وهى بتجرى ولقت نفسها فى حضن فهد وبفزع وخوف وكل جسمها بيرتعش شاورت بإيدها على باب البيت
.. البوليس بره اهرب بسرعه وبتوتر وسرعه فى الكلام.. فى مصيبه البنت اللى اسمها نور عامله
مؤامره عليك وبلجلجه.. لاء دى مؤامره علينا كلنا
.. جرس الباب بيرن.
ام فرحات خرجت من المطبخ.. يا ترى مين جاى دلوقتى يارب يكون خير
براءه بصراخ.. لا يا ام فرحات اوعى تفتحى
وعينها فى عين فهد وبفزع.. اهرب يا حبيبى بسرعه قبل ما تروح فى داهيه
فهد بكل ثقه ساب ايد براءه واتجه ناحيه الباب
براءه بخوف.. لا لا اوعااا تفتح🥺
__فهد بص ورا على صوتها وفتح الباب
وكان ظابط صاحبه اسمه شريف والباقى عساكر
رحب بيه ومن الواضح انه كان عنده خلفيه
عن اللى بيحصل وهنا براءه بصت بذهول وخرجت لما سمعت الظابط شريف بيقول.. ازيك يا فهد وبارتباك.. انا اسف انى جيت بالطريقه دى .. انا عارف انك اكيد هتكون مضايق منى وحط ايده على كتفه.. بس انت اكيد واثق ان ده غصب عنى وان جددت ظروف تخلينى اجي بشكل رسمى بجد بعتذر وطلب من العساكر تخرج بره البيت وكمل كلامو بابتسامه.. اهو يا سيدى انا معاك لوحدنا.. صاحب لصاحب.. ” فهد” تعالى ادخل يا باشا انت مش غريب
__شريف دخل البيت وكان بيبص فى كل ركن فيه
وعينه جت على براءه.. المدام صح؟” فهد” ايوه
براءه واقفه مكانها وايدها على قلبها من كتر الخوف.. بس ابتدت تحس براحه لما عرفت ان شريف صديق فهد
شريف.. فين البنت اللى اسمها نور وفين الشنطه
” فهد بحده” طلب من ام فرحات تتدخل تصحى نور من النوم ام فرحات بخوف.. حاضر يا بيه وسابتهم وراحت على غرفه نور وقبل ما تروح على غرفتها اتجهت لغرفه نعمات تبلغها باللى بيحصل من خوفها على فهد.
“فهد بقلق” ها يا ترى اللى فى بالى صح ولا لأ
انت عرفت نور تبع مين يا شريف وبتوتر.. طلعت تبع هناء صح.. رد عليه!؟
الظابط شريف.. ايوه طبعا والا مكنتش هقف قدامك دلوقتى علشان اقبض عليها
وابتدى يتكلم.. بعد ما انت شكيت فى البنت اللى اسمها نور وبلغتنى باللى حصل فى محل الجاتوه وربطت الأحداث بوجودها هناك وتانى يوم كانت عندك هنا فى البيت.. وطبعا انت مصدقتش نور فى اى كلمه قالتها.
براءه قربت من فهد وبذهووول.. انت كنت عارف
ان نور بتكذب علينا.. ليه خبيت عليه.. ها.. وبعدين مين هناء دى!؟.. انا عاوزه افهم “فهد” حبيبتى انا هقولك على كل حاجه بس اصبرى عليه
براءه بزعيق.. انا عاوزه افهم.. انت خبيت عليه ليه؟ ” فهد بنرفذه” ضرب بإيده على الترابيزه
ممكن تسبينى اتكلم علشان انا كمان عاوز افهم زى
ما حضرتك عاوزه تفهمى وشدها من ايدها
وقعدها على الكرسى.. قعدت وبقت تهز رجليها
من كتر الغيظ وطلب منها أنها تكون مستمعه وبس.. بصتلو اوى وعينها كلها دموع.. حاضر🥺
” فهد قرب من شريف وابتدى يقول اللى حصل”
__انا فعلا مصدقتهاش وخصوصا ان البنت
كان لابسها مبهدل ومقطع ولما لقيتها فى العربيه
كانت منظر تانى والاغرب بقى واللى خلانى اعرف
ان شكى فى محلو لما قالت انها عرفت البيت هنا
بالصدفه وغير كلامها ان ناس خدوها ونضفوها فى يوم وهربت منهم وبصراحه الكلام غير منطقى و ميصدقوش عيل صغير.. وطبعا غير انها دخلت العربيه وانا واثق ومتأكد انى دى عملت حد فاهم بيعمل ايه؟ وغير انها كانت فى محل الجاتوه
كان لازم أشك وبلغتك على طول باللى حصل وخليت نور عندى وعملت نفسى مصدقها لحد ما اشوف اخرتها ايه ويا ترى تفكيرى هيطلع صح انها تبع هناء
بس اللى محيرنى وده السؤال اللى عاوز منك اجابته حالا لو نور تبع هناء زى ما انا متأكد
هتبعتها هنا ليه وعاوزه منى ايه؟
الظابط شريف.. لما انت بلغتنى انا عملت تحريات
بسرعه عن هناء اللى فى محل الجاتوه
وعن نور وطلعت التحريات كالاتى.. ان هناء
طلعت هناء علام وبص لفهد.. تاجر المخدرات اللى كان السبب فى قضيتك وخروجك من الخدمه ووقتها عرفت ان علام لسه لى جدر ولازم يتقلع
” فهد جز على أسنانه وسند على الحيطه”
علام تانى هو الراجل ده مش ناوى ينتهى ولا ايه
الظابط شريف.. لما عرفت انها بنت علام اكبر تاجر مخدرات واللى كان السبب فى الحادثه الياها
وخروجك من الخدمه قولت هى دى الفرصه علشان نكمل على اللى باقى منه
خدت إجراءات وبلغت النيابه وطلع تصريح بمراقبه وتسجيل كل تليفوناتها
وعرفت انها ماسكه مكان علام وبتاجر فى المخدرات بمعنى أصح ورثت الشغلانه
اما نور هى بنت بتتسول قدام المحل عندها
وهى استغلاتها علشان تلعب عليك
” فهد” انا كنت حاسس ان نور وراها حاجه إنما
اللى مكنتش اعرفو ان هناء بنت علام بجد
مفجأه وبسرحان يعنى بتنتقم منى علشان
انا قبضت على علام وخد مؤبد
براءه بدموع وقالت فى سرها.. علام والحادثه
يادى المصيبه.. منك لله يا علام الكلب
الظابط شريف.. اكيد بس بنت الكلب نسيت انه
لبسك تهمه بعد الحادثه من جوه السجن وخرجك من شغلك وقاطع كلامهم خروج فريده و “نعمات”
جريت على فهد وهى فى حاله ذهول.. فى ايه يا حبيبى وبصت حواليها وشافت شريف
قربت منه وبانهيار ودموع.. اهلا يا شريف بيه
اهلا بيك يا صاحب صحبك وبصراخ يا خطيب بنتى السابق.. عاوز ايه تانى.. مش كفايه اللى حصل لابنى.. مش كفايه لما اترفد من شغلو
وبصت لفريده.. رميت الدبله لبنتى فى وشها
انهارت.. عاوز ايه تانى.. سيب ابنى فى حالو
براءه باستغراب.. معقول شريف كان خطيب فريده😱
شريف بلجلجه.. يا طنط يا طنط حضرتك فاهمه
غلط والله انا جاى اساعد فهد وبالاتفاق معاه
حتى اسأليه.
فهد بنرفذه.. ارجوكى يا ماما ادخلى اوضتك لو سمحت ” نعمات بدموع” مش هدخل غير
لما اعرف هو جاى ليه؟
” فهد باحراج” ماما ارجوكى.. ادخلى اوضتك
” نعمات بزعيق” بقولك جاى ليه؟ أنطق يا ابن بطنى
وقاطعت كلامهم ” ام فرحات” فهد بيه باب الغرفه
مقفول بالمفتاح على نور
براءه بتوتر وبصت ل فهد .. اه انا قفلت عليها خوفت لا تهرب.. وقامت خدت ام فرحات معاها الغرفه تجيب نور علشان يقبضوا عليها وتطلع الشنطه المستخبيه
” فهد” قرب من مامته وخدها فى حضنه بهدوء
يا ماما مش حضرتك مكنتيش مستريحه لنور
” نعمات ” ايوه دى بنت متسوله ملهاش امان
” فهد” شريف جاى ياخدها ويريحك منها
لانه عرف أنها بنت خطيره جدا ولازم يقبض عليها
ممكن بقى حضرتك تتدخلى اوضتك
نعمات حست براحه وقالت.. حاضر.. المهم انى اطمنت عليك وانك بخير يا حبيبى
” فريد بصراخ” بصت ل شريف وقربت منه.. ايه والواطى ده هيفضل هنا كتير.. انا مش عاوزه اشوف وشه تانى
شريف بضيق.. لو سمحت انا مش عاوز غلط
انا مش واطى ولا عمرى كنت واطى وبعدين انتى
مصدقه نفسك اوى كده وواثقه انى سبتك بسبب
فهد.. لا طبعا يا هانم.. انتى اكيد عارفه كويس انا سبتك ليه.. انا مش فاهم انتى ازاى قادرة تكذبى على نفسك لحد دلوقتى.. يا هانم انا سبتك علشان انتى بنت متكبره ومغروره وانانيه ومش بتحبى غير نفسك وبس ده غير لسانك الطويل وغلطك فى امى وده الا مسمحش بيه ابدا وقرب من ” نعمات”
انا اشتكيت لحضرتك ولصاحبى اكتر من مره وكان ردكم عليه.. معلش أصلها مدلعه
حاولت كذا مره يا جماعه اقولكم انا بتكلم فى سلوك وطباع ومستحيل تتغير وبعد تفكير.. كان لازم اخد القرار الصح اننا لازم نفسخ الخطوبه
فريده انهارت وجريت على اوضتها
وخبطت فى اسرار، وهى خارجه
“نعمات حست بنغزه فى صدرها”
ومن غير ما حد يحس بيها دخلت اوضتها.
الظابط شريف باحراج.. انا اسف يا فهد انى فتحت الموضوع ده تانى.. بس زى ما انت شايف هجوم عليه رهييييب من طنط وفريده.. انا بجد مقصدش بس كلامها وجعنى
اسرار خارجه وهى بتجرى وخبطت فى شريف وقالت.. ايه ده.. هو فى ايه؟!
” فهد بنرفذه يا براءه واتجهه ناحيه غرفه نور”
الفصل السابع من هنا
رواية براءتي الجزء السابع
” فهد بنرفذه يا براءه واتجهه ناحيه غرفه نور”
علشان يشوف براءه اتأخرت ليه.. ولما وصل الباب
كان مفتوح دخل عليهم وشاف نور منهاره
وفى حضن براءه.. انا خايفه يا طنط.. لا انا مش
هطلع معاكم.. انا خايفه
ام فرحات.. يلا يا بت يا مقصوفه الرقبه تعالى معانا.. معقول بقى حته بت زيك تعمل فينا كده
براءه.. لو سمحت اخرجى انتى يا ام فرحات
وشافت فهد واقف قصادها.. قامت وقفت
والخوف فى عينها.. قربت منه.. حبيبى.. البنت
خايفه تطلع وانت عارف انها طفله
نور بشهقه.. والله يا عمو انا معملتش حاجه
” فهد بحده” فين الشنطه يا نور
نور بخوف.. شنطه ايه يا عمو
” فهد بنرفذه وبص لبراءه” شايفه اهى بتكذب
من اولها.. قرب منها ومسك دراعها بقوه.. فين
الشنطه يا بت.. انطقى.. نور بصراخ.. معرفش شنطه ايه والله ما اعرف
براءه بنرفذه.. سيب ايد البنت.. بالراحه عليها وبصت فى عينه.. بلاش عنف يا فهد
سبنى انا هتكلم معاها.. وطلعت الفون وقالت
الفون ده بيعمل معاكى ايه يا نور.. بتاع مين
ده يا حبيبتى.. نور.. معرفش
براءه قالت فى سرها.. رغم انى سمعت مكالمه
الفون بس نفسى تطلعى بريئه لأنى بجد حبيتك
” فهد بنرفذه” البت، دى بتضحك عليكى.. دى كذابه وبتاعه حورات والشنطة لو مطلعتش
انا هروح فى ستين داهيه.. انطقى يا بت انا عرفت كل حاجه.. وعرفت ان هناء هى اللى بعتاكى هنا
نور.. 😭😭😭😭😭😭
براءه.. فون مين ده يا نور قولى.. ووعد منى محدش هيقرب منك يا حبيبتى
نور.. الفون بتاع الست هناء صاحبه
محل الجاتوه.. براءه.. وفين الشنطه.. انهارت
وبقت تصرخ من الخوف وعينها فى عين فهد
وبلجلجه.. الششش الشنطه فى فى.. براءه.. فين
نور.. فى الاوضه عندكم تحت السرير
فهد قرب منها وبغضب.. انتى خدتى الشنطه من مين ها.. نور بخوف ودموع.. الست هناء ادتنى التليفون ده وقالت إنها هتكلمنى عليه وعلمتنى
لما تتصل افتح ازاى ولما كلمتنى قالت إنها واقفه
على الباب برا وانا خرجت ومكانش فى حد وأم فرحات كانت فالمطبخ واخدت منها الشنطه
وحطتها زى ما قالت تحت السرير فى اوضه نومكم 😭😭😭😭
براءه بصدمه .. معقول.. وقعدت على السرير
والدموع نزلت من عينها
فهد مسك نور من ايدها ودخل بيها على اوضته وخد الشنطه من تحت السرير وخرج بيها قدام الكل وسلمها لشريف وطلب منه انها تروح دار رعاية كويسه وهو اللى هيتكفل بيها
نور بصراخ.. ونبى يا عمو بلاش ملجأ
اسرار بذهول.. هو ايه اللى بيحصل ده انا عاوزه افهم🤔.. نور قربت منها.. ونبى يا طنط الحقينى
مش انتى بتحبينى.. اسرار بعنف.. احب مين
يا بنت النصابه يا متسوله وزقتها
شريف خدها من ايدها وطبعا بعد ما استجوبها والبنت قالت على كل حاجه بالتفصيل وودع فهد بعد ما قالوا ان هناء تم القبض عليها بعد التسجيلات وغير
طلع عليها كذا قضيه وكانت منتحله كذا شخصيه
وخرجت نور وهى منهاره وخايفه انها تروح ملجأ
بس الغريبه ان فهد رفض يواجهه هناء واكتفى
ان بلغ عنها وكشف المؤامره وطلع براءه من التهمه
قبل تلبسه
شريف.. سلام يا فهد بس انت عارف اكيد وكيل النيابه هيطلبك لشهاده.. فهد.. تمام وعموما انت شوفت بنفسك كل حاجه والشنطه فى ايدك وكمان البنت وقرب منه وبوشوشه.. خلى بالك منها وزى ما قولتلك انا هتكفل بيها
شريف.. حاضر يا صاحبى وشاور بأيده.. فون ها
هستناااك يا ريتشارد باشا
” فهد بابتسامه” هكلمكككك
وخرج شريف بعد ما قبض على نور ومعاها حرز
شنطه مليانه مخدرات
خد البنت وخرج وركبت معاه عربيه الشرطه
وكان بيكلم نفسو وبيقول.. فهد هيفضل طول عمره حتى لو اترفد الظابط الكفأ الشجاع
الشاطر جدا اللى مفيش خرم ابره يعدى منه
بحبه لشغله اللى مش قادر ينساه وشطارته
عرف ان نور عامله عليه مؤامره
وكمان دلنا على هناء بنت علام اكبر تاجر مخدرات اللى محدش يعرف عنها حاجه.. بجد الراجل ده يستاهل كل خير.. يستاهل يرجع شغلو من تانى
وبص لنور وقالها.. فهد باشا رغم اللى عملتيه
معاه.. موصى عليكى جامد اوى
نور بدموع.. انا مش عاوزه اروح الملجأ يا عمو
الظابط شريف.. حاضر يا نور
وعربيه الشرطه طلعت بيهم على القسم
____ فى البيت الكبير ____
اسرار قربت من فهد ولمست جسمه.. حبيبى انت كويس ” فهد بعنف” ايدك.. وبعدين انا مش حبيب
حد وقولتلك قبل كده وزق ايدها وبعد عنها
ام فرحات.. انا مش لازم اسكت يا عقربه يا خرابه
البيوت.. انا لازم اقول لفهد بيه انها كانت سبب الحريق ورجعت قالت.. طيب وهعمل ايه فى الست نعمات.. ما هى كمان كانت مشتركه معاها
وسكتت من الخوف
اسرار.. طيب قولى ايه جاب الواد اللى اسمه شريف هنا.. مش ده،اللى ساب فريده لمجرد انك قلعت البدله ” فهد بسخريه” لو عمل كده هعزره
مع انى واثق وعارف انه عمل كده لشخص فريده
نفسها.. وعمره ما يصدق عنى انى اقدر اخون مهنتى.. إنما الدور والباقى عليكى انتى يا اسرار هانم
وسابها وجرى على غرفه نور
__ براءه قاعده مكانها على السرير وبتعيط
قرب منها وخدها فى حضنو.. حبيبى انا مش عاوزك تكونى حساسه كده.. براءه.. انا حبيت نور
واتصدمت فيها.. غصب عنى يا فهد واترمت فى حضنو وبانهيار.. معقول طفله تعمل كده بجد انا مش مصدقه ” فهد” ما علشان كده اصريت انك
تكلميها بنفسك وتطلع الشنطه بأمر منك
انا مكانش فارق معايا الشنطه اساسا كده كده
انا عارف انها هنا فى البيت وبالتفتيش كنت هطلعها وغير انى عامل حسابى ومبلغ شريف من اول يوم دخلت هنا
بس حبيت اثبتلك انها بنت نصابه
وطفله مش عاديه ولما دخلت وشوفتها فى حضنك.. خوفت من رد فعلك لو شريف قبض عليها.. كنت عارف رغم انك كنتى خايفه من وجودها هنا.. إنما عارف انك حساسه وهتأثر فيكى بكلامها وممكن تتعب أعصابك
وتفتكرى انى ظلمتها..براءه.. ربنا يخليك ليا يا حبيبى وسألته ب استغراب عن خطوبه شريف
وفريده بس قالها ان الموضوع انتهى من فتره
وبسبب دلع فريده خسرتو
براءه.. انا عاوزه اعرف حاجه منك ودلوقتى
حالا يافهد
فهد.. فى ايه يا حبيبتى.. قولى ؟
براءه قامت وجابت المصحف.. احلف انك متعرفش ان هناء بنت علام اللى ضحك عليه
واتفق معايا البسك تهمه المخدرات
الفصل الثامن من هنا
رواية براءتي الجزء الثامن
براءه قامت وجابت المصحف.. احلف انك متعرفش ان هناء بنت علام اللى ضحك عليه
واتفق معايا البسك تهمه المخدرات
” فهد بغضب” تانى يا براءه.. نفسى تنسى الموضوع ده وقام من جمبها ودخل الحمام
براءه.. يبقى انت عارف ان هناء بنت علام
وعاوز تذلنى يا فهد وعيطت
خرج من الحمام وبصلها اوى وقال.. والله العظيم
انا شوفت هناء بالصدفه ومعرفش انها بنته اصلا
وقرب منها.. انا بحبك اوى يا براءه وبكره تعرفى
انا بحبك قد ايه.. براءه.. انا عارفه انك بتحبنى
بس انا بخاف من الصدمات وبالذات من اققرب
الناس ليه.. وطبعا انت عارف انك روحى
واغلى من حياتى ❤️
” فهد” بحبك يا عمرى كله ومسك بطنها.. وبحب
ابننا اللى جاى بدر ان شاء الله
براءه بقلق.. مممممم.. افرض بقى جت بنوته
فهد.. تبقى بتول.. المهم يكونوا بحرف ال B يا عمرى.. براءه بتوتر.. اه يا حبيبى
وخدها فى حضنه ونام جمبها
___ فى صباح اليوم التالى وبعد يوم مرهق وكان
القبض على نور.. براءة صحيت من النوم ولقت مكان فهد فاضى.. اتخضت وبصت فالفون وشافت
الساعه 2 بعد الضهر.. استغربت انها نامت مده طويله فى غرفه نور.. قامت من مكانها وخرجت بره الغرفه
وسألت ام فرحات على فهد.. قالت لها انه خرج
ولما تصحى هيكلمها.. وقالت فى سرها.. انا عارفه
هو راح فين.. اكيد هيشترى ليه هديه
او هيعملى مفاجأة 🤨 انا عرفاه اصلو بتاع مفاجأت.. ومسكت الفون واتصلت بيه
بس رد عليها وكان مضايق ومتعصب.. ارجوكى
يا براءه اققفلى دلوقتى
قفلت والدموع فى عينها.. ام فرحات.. مالك يا بنتى.. مش عارفه بس فهد مش مظبوط مع اننا
كنا كويسين مع بعض.. الظاهر كده يا داده ان رجع يتعصب تانى
ام فرحات واقفه مكانها وبتفكر
فلاااااش باك
فهد قام من النوم وبعد ما دخل الحمام.. الفون رن
خرج بره الغرفه يرد عليه علشان براءه متقلقش
وبعد ما خلص
ام فرحات بتوتر.. صباح الخير يا فهد بيه
” فهد” صباح النور.. مالك يا داده شكلك متغير
قربت منه وبوشوشه.. انا عاوزاك فى موضوع مهم
اوى “فهد بقلق” خير.. قولى يا ام فرحات
ام فرحات بقلق وبتبص شمال ويمين.. مش هينفع
هنا.. تعالى معايا بسرعه وجريت على غرفه فهد
ولما دخلت.. دخل وراها.. قفلت الباب
وهو مستغرب من اللى بتعملوا وبقت تدور فى الغرفه زى المجنونه.. مش عارفه بنت الحرام دى
حطيتها فيييين؟
” فهد ب استغراب” هى ايه يا داده
ام فرحات.. اسرار والست نعمات عاملين فى براءه
خطه علشان تطلقها “فهد بسخريه” ماما.. باين
انك خرفتى يا وليه ولا ايه
ام فرحات.. كتر خيرك.. بس عاوزة اقولك ان الست
نعمات واسرار هما سبب الحريق.. ولو مش مصدق
انا ممكن اثبتلك حالا
” فهد بذهول” مش معقول.. ام فرحات مسكت
ايدو وانتهزت فرصه انهم بيفطروا فى الجنينه
وخدتوا على غرفه نعمات وفتحت الدولاب
وطلعت منه الطقم الالماظ وقالت.. الطقم ده قبل
اسرار ما تحرق الحاجه خدتو واديتو لست نعمات
” فهد بصدمه” مش معقول.. امى عاوزه تخرب بيتى.. لا لا انا مش مصدق.. امى هى اللى تحرق قلبى😭
ام فرحات.. ومش كده وبس.. دى ناويه تتهم ست براءه فى مصيبه ” فهد” مصيبه ايه؟
ام فرحات.. امبارح قبل مشكله نور كانت بتتكلم
مع خرابه البيوت اسرار لا مؤاخذه يا ابنى بس انا
محروق دمى ” فهد” كملى.. ام فرحات.. سمعتها
بتقولها انها هتحط ورقه جواز عرفى بين راجل
اسمه علام والست براءه.. علشان انت تطلقها
” فهد بغضب وذهول” ورقه جواز عرفى
ام فرحات.. اكيييد كذب.. علشان كده قولت اقولك
قبل ما تحصل مصيبه.
” فهد بخنقه” طيب يا ام فرحات.. أمشى انتى
دلوقتى.. ام فرحات.. والطقم الالماظ يا بيه
فهد بزعيق.. بقولك أمشى دلوقتى.
ام فرحات خرجت وخرج وراها على غرفته
وقفل الباب وقلب الغرفه وهو بيدور لقى
ورقه جواز عرفى بأسم الزوجه براءه والزوج علام
ام فرحات واقفه ورا الباب بتراقب فهد لحد ما شافتو خرج من غرفتو يجرى على غرفه نور ولسه بيفتح الباب.. فكر لثوانى وخد الورقه ومشى من البيت
الفصل التاسع من هنا
رواية براءتي الجزء التاسع
ج.9…# براءتى
__ ام فرحات استخبت اول لما شافت فهد خارج من البيت وفى ايده الورقه العرفى.. وبعد ما خرج جريت على غرفه نعمات وخدت الطقم الالماظ ورجعتو مكانه وطبعاً علشان محدش يعرف
اى حاجه
عوووووووووووده
ام فرحات بتكلم نفسها.. انا كده عملت اللى عليه
وبلغت فهد بيه علشان ينقذك يا براءه
براءه.. نعم.. بتكلمينى يا ام فرحات
“ام فرحات”ها.. اه اه تفطرى يا ستى براءه وبسرعه فى الكلام.. هروح احضرلك الفطار بسرعه
براءه.. لا بلاش انا مليش نفس.. ام فرحات قربت منها.. ليه يا بنتى ده انتى حتى حامل ومحتاجه غذا
براءه بنرفذه.. بقولك مليش نفس.. اسفه.. بس انا مضايقه شويه “ام فرحات” من ايه بس؟
براءه بقلق.. انا خايفه اوى على فهد.. ما انا قولتلك لما كلمتو كان صوتو مش مظبوط.. حاسه ان فى حاجه بس مش عارفه هى ايه🤔
“ام فرحات” هو قالك انه زعلان منك فى حاجه؟!
براءه.. لا لا مقالش!
“ام فرحات” اومال فى ايه بس؟!
براءه بتوتر.. كان متعصب وقالى اقفلى بزعيق
مع اننا كنا كويسين.. انا مش عارفه قلب عليه فجأة ليه كده!؟.. مع انى بحاول اسعده على قد ما اقدر
“ام فرحات” بقولك ايه شيلى الأوهام دى من دماغك.. انتى حامل ومحتاجه رعايه وغذا.. فكرى فى نفسك وبس.. محدش هينفعك.. واتلفتت شمال ويمين وخصوصا حماتك والحربايه اللى اسمها اسرار.. براءه بقلق.. اسكتى لحد يسمعك منهم تبقى مصيبه ” ام فرحات بابتسامه” سبيها
على الله.. محدش بياخد الروح الا اللى خالقها
__ رنه رساله واتس
براءه مسكت الفون وفتحت الرساله
وحشتينى اوى💙🌍
براءه ابتسمت ولسه هتكتب….
“ام فرحات بابتسامه” انا هروح احضر الفطار بقى
الجميل تبسم.. براءه.. اوك بس اى حاجه خفيفه
” ام فرحات” حاضر من عنيه يا ست الناس
__ وخرجت ام فرحات على المطبخ علشان
تحضر الفطار بس كان كل تفكيرها فى زعل
فهد من براءه وانه ليه زعلان منها ومتغير معاها
رغم أنها نبهته وعملت الصح وبقت تكلم نفسها.
هو انا عملت زى اللى جه يكحلها عماها
ولا ايه😱
لا لا اكيد هى فاهمه غلط!
لان انا قولت لفهد على كل اللى بيجرى من وراه
وعرف مين عدوه ومين حبيبو.. واكيد متعصب عليها لما عرف ان امه سبب فى خراب بيته
بردوا الموضوع مش سهل وبقت ترزع فى الكوبايات على الحوض.. معقول ام تبقى سبب
فى خراب بيت ابنها.. والله قلبى معاك يا ابنى
____ فى كافيه ____
__ فهد قاعد وبيشرب قهوه وماسك الورقه فى
ايده وكل شويه يقراها ومش مصدق نفسو
ان دى ورقه زواج براءه من علام
ومسك الفون وكلم الظابط شريف
“فهد بحده” ازيك يا شريف
شريف.. الحمد لله.. اخبارك
” فهد بتوتر” انا تمام.. بس كنت عاوز منك خدمه
شريف.. مالك يا فهد فى ايه!..مال صوتك؟
” فهد بنرفذه” انا كويس.. بس عاوز منك تصريح
زياره لعلام فى السجن ضرورى
شريف ب استغراب .. علام.. ليه ؟
“فهد بتجاهل وغضب” هتقدر تنفذ الطلب ولا لأ
شريف.. فى ايه طيب يا ابنى.. انا عاوز افهم
” فهد بعصبيه” خلاص مش عاوز منك حاجه
شريف بتوتر.. حاضر حاضر انا هعملك تصريح
بالزياره.. اسبوع كده وهكلمك
” فهد بزعيق” انا عاوزه بكره او بعده بالكتير
مش هقدر انا استنى اسبوع.. ده انا كنت اموت فيها او ارتكب جنايه
شريف.. طيب لو فى حاجه انا ممكن أبلغه
لان بجد خايف عليك يا فهد
” فهد بعصبيه وعينه بطق شرار” ليه حد قالك
انه هياكلنى ولا هيموتنى.. انت عارف كويس انا
ممكن اعمل فيه ايه
شريف.. ما انا علشان عارف بقولك بلاش.. بلغنى وانا والله هوصلو كل اللى انت عاوزه
” فهد” مينفعش.. انا عاوز اشوفو بنفسى
شريف.. حاضر بكره هيكون عندك التصريح
ولسه بيكمل الكلام وفون فهد اتقفل وحاول يكلمو
كان مغلق
” فهد بنرفذه” مسك الفون ورماه على الترابيزه
لانه فصل شحن
___فى البيت الكبير ___
براءه ماسكه الفون وبتكتب.. وانتى كمان وحشتينى اوى يا ماما ❤️
الام.. وانتى يا قلب ماما 💙🌍
براءه.. انتى ليه متصلتيش بدل ما تبعتى واتس
الام بتكتب……
براءه مسكت الفون واتصلت بيها وكان غير متاح
براءه تكتب.. ماما الفون مقفول ليه
كان نفسى اسمع صوتك
الام.. معلش حبيبتى مفيش شبكه وشغال نت بس
براءه تكتب…..
الام تكتب…… انا هتجوز يا حبيبتى وعلى فكره
انا مش باخد رأيك انا حبيت ابلغك وبسس🤗
براءه بصدمه😱.. تانى يا ماما.. يا شيخه حرام عليكى.. انا بجد تعبت وزهقت اقسم بالله 😭
الام ____________
براءه تكتب.. والكلام مش بيوصل شرطه واحده
__براءه مسكت الفون ورميته جمبها وبدموع
وانا اللى كنت بحسبها بتكلمنى علشان وحشتها
بجد الست دى كل يوم بتثبتلى انها مش أم
وبضحكه سخريه ودموع.. ماما هتتجوز هههههههه
وقامت من مكانها وخرجت بره الغرفه
ماشيه فى الطرقه سمعت صوت خارج من غرفه
فريده وكانت بتعيط.. خبطت عليها
فريده بدموع .. مين؟
براءه.. انا براءه ممكن ادخل ومسكت الاوكرا
فريده مسحت دموعها.. هى ناقصه قرف.. نعم
براءه فتحت الباب ودخلت
فريده بحده وغضب.. نعم.. عاوزه ايه!؟
براءه بخوف.. انا سمعتك وانتى بتعيطى اتخضيت
عليكى.. فى حاجه ولا ايه.. فهد جرالو حاجه!
وقربت منها وشدت الكرسى وقعدت
فريده بحده.. براءه اخويا كويس وانا كمان
مفيش داعى تقعدى علشان انا مش هتكلم
براءه.. لسه بتحبيييه صح؟
فريده بتجاهل.. هو مين ده اللى بحبه؟
براءه.. الظابط القمر اللى كان عندنا امبارح.. على فكره انا كنت اول مره اعرف انك كنتى مخطوبه.. بس بصراحه يستاهل
شكلو كده حد محترم وابن ناس وغير انه قمور اوى وراجل وواثق من نفسو
فريده بتوتر ودموع.. انا مبحبش حد وبعدين
خلاص الموضوع انتهى من زمان.. وقامت وقفت
وبقت تمشى فى الاوضه زى المجنونه.. انا بحكيلك ليه!.. انتى مالك اصلا.. قال بحبو قال
وبصت لبراءه.. انا مش بحب حد فاهمه
براءه.. مممم واضح وبسرحان وهدوء
عارفه يا فريده انا من اول يوم شوفت فهد فيه وعرفت ان ده الإنسان اللى هكمل معاه حياتى
زى بردوا من اول يوم شوفتك فيه عرفت انك مش عاوزه تكونى صاحبتى ولا حابه ان اكون
اختك ليكى 🥺
فريده.. ولما انتى عارفه انى مش حباكى اصلا
داخله بتحشرى نفسك فى حياتى ليييه!
براءه بدموع.. علشان حسيت انك محتاجه حد جمبك فى نفس الوقت اللى انا كمان محتاجه
حد يكون جمبى.. كان نفسى تكونى اخت ليه
احكيلك عن مشاكلى وانتى كمان تحكيلى
عن كل اللى تاعبك بس يا خساره من الواضح كده انك مش طيقانى وقامت وقفت واتحركت خطوتين لقدام ولسه هتفتح الباب.
فريده بدموع.. وانا كمان نفسى فى اخت
نفسى احكى.. براءه رجعت وخدتها فى حضنها
الفصل العاشر من هنا
رواية براءتي الجزء العاشر
اعتبرينى اختك.. فريده بانهيار.. انا بموت من يوم
ما شريف سابنى ومش قادره اتكلم
وبصت فى عيون براءه اوى🥺 انا بحبه وبتعذب
ومحدش حاسس بيه.. حتى ماما مش بتفكر فيه
كل اللى بتفكر فيه ازاى تخرب بيت ففف وسكتت
براءه.. تخرب بيت مين؟ ها
فريده بخباثه.. انا قولت تخرب بيت
اسفه اتلغبط
الباب اتفتح عليهم وكانت اسرار وقاطعت كلامهم
فريده قامت من حضن براءه
اسرار بتعجب شديد.. ايه اللى انا شيفاه ده
فريده بلجلجه.. شايفه ايه؟
اسرار.. شايفه ان المسائل بقت حلوه اوى
فريده بنرفذه.. انتى ازاى تتدخلى عليه
من غير استأذان
اسرار بغيظ.. بت انتى اتعدلى معايا يأما والله
اعدلك وانتى عارفه ازاى
فريده بخوف.. انتى كنتى عاوزه ايه
اسرار.. ايوه كده اتعدلى.. مرات عمى عاوزاكى حالا.. فريده.. حاضر
براءه.. نبقى نتكلم بعدين يا فريده وسابتهم
وخرجت وهى بتكلم نفسها.. منك لله يا اسرار
الكلب.. البنت خلاص كانت هتقرب ليه واكسب
ثقتها والموضوع ده كان هيفرق معايا اوى
على رأى ام فرحات.. خرابه بيوت صحيح
بس انا حاسه ان الزفته اللى اسمها اسرار
ماسكه حاجه على فريده.. كان واضح من كلامها
انها بتهددها بحاجه والله اعلم
__براءه دخلت غرفتها وكانت ام فرحات حضرت الفطار وبعد ما فطرت بقت تتصل ب فهد مغلق
وبعد مرور ساعات
فون براءه رن وكان فهد وقالها انه فى مستشفى
عند واحد صاحبو علشان عمل حادثه وتعبان اوى
براءه قفلت معاه وهى قلقانه ومش مصدقه
وكل تفكيرها ان فهد متغير منها ومش عارفه السبب
___ فى شقه مطرفه بعيد عن البلد
فهد قاعد وقصاده الفون وماسك فى ايده ورقه
الزواج العرفى ومحروق دمه
وبيتكلم مع نفسه.. انا مش هروح البيت غير
لما اعرف ايه حكايه الورقه دى وهل هى كذبه
ولا براءه كانت متزوجه من علام ومخبيه عليه
لو كذبه على كلام الداده وان امى وأسرار
السبب وده تلفيق لمراتى والله ما هسكت
لانى متأكد ان الموضوع فى حوار
انا لما اتجوزت من براءه كانت انسه
ومحدش لمسها
صوت شيطانه بيكلمو.. ومين قالك انها انسه
مش يمكن عملت اى عمليه ترجع بيها بنت
وانت متعرفش
بيرد على نفسه.. لا انا واثق فى براءه وعارف
انها بتحبنى
صوت الشيطان.. انت بتهرب من نفسك وبتكذب
عليها ليه.. ما انت عارف انها كانت عارفه علام قبل منك.. ولا انت ناسى معرفتك بيها كانت ازاى
قام من مكانه.. ايوه عارف بس هى كانت مظلومه
علام ضحك عليها وهى حكت معايا على كل حاجه ويمكن ده اللى حببنى فيها اكتر
براءه بنت كويسه انا حبيتها من اول يوم
شوفتها فيه.. بس يمكن هى اللى كانت ظروفها
وحشها.. اب رماها من صغرها وأم كل يوم
تتجوز وتتدخل عليها راجل غريب
وده كان بيخليها متحسش بالأمان
ومن هنا علام لعب بعقلها وبس
إنما قلبها وشرفها مقدرش يلعب بيهم
وبصراخ وانهياااار قلب براءه وشرفها
ملكى انا وضرب بأيده على الترابيز
انت فاهم وبص
حواليه ولقى نفسه لوحده
مسك دماغه.. انا تعبان وحاسس انى مرهق
ومش قادر انام.. القلق ماسك فيه كأنه بيطاردنى
ومش عاوزانى ارتاح
انا سبت شغلى بتهمه واترفدت وكانت كل حياتى
قلق.. ودلوقتى انا واثق ومتأكد ان براءتى
بقت ظاهره للكل بس مش ناوى ارجع
وهفتح مكتب محاماه علشان القلق يبعد عنى
ويسبنى فى حالى.. إنما من الواضح كده
انه هيفضل ملازمنى طول العمر
انا تعبااان ومش هرتاح غير لما
اعرف ان مراتى بريئه مع انى واثق من براءتها
صوت الشيطان.. ههههههه انت بتضحك على نفسك كتير.. براءه مش بريئه
ومتزوجه من علام وبتحمع بينك وبينو
وبكده لازم تتحبس.. مش دى امضتها
ولا عميييييت.. مسك الورقه
ورماها على الارض بانهيااار.. لا انا واثق
من براءه مراتى
ومسك الفون واتصل ب شريف
واكد عليه أن التصريح لازم يطلع فى اققرب
وقت..
وبعد مرور ساعه فهد نام من القلق والخوف
من اللى جااااى
___ فى البيت الكبير ___
الساعه دقت 3 الفجر وبراءه صاحيه
وقامت من السرير وخرجت الجنينه ومعاها الفون
وبتتصل ب فهد جرس ومش بيرد
ولما نزلت شافت ام فرحات صاحيه
قلقانه علشان تصلى الفجر
وطلبت منها تنام معاها علشان
مش عارفه تنام لوحدها
ام فرحات وافقت وقالت لها تسبقها
ام فرحات دخلت المطبخ حضرت كوبايه لبن
وتوست وجبنه ودخلت تقعد معاها
براءه.. ايه ده ” ام فرحات” حاجه خفيفه.. انتى
حامل وانا واخده بالى وفهد مش هنا انتى مأكلتيش كويس.. براءه بتوتر.. فعلا
بس مش جعانه ومليش نفس.. ومسكت الفون
واتصلت وبردوا جرس ومش بيرد
” ام فرحات” هو عنده شغل ولا ايه
براءه.. لا بيقول انه صاحبو عمل حادثه وهو معاه
بس عارفه انا شاكه انه زعلان منى
فى حاجه وانا معرفش ايه هى
علشان كده بايت بره البيت
انا خايفه اوى يا ام فرحات
” ام فرحات براحه” اطمنى هو مش زعلان منك
براءه بلهفه.. بجد.. وعرفتى منين.. هو قالك
” ام فرحات بوشوشه” اقولك ومتقوليش لحد
براءه.. ها.. قولى بسرعه
” ام فرحات” قربت منها وقامت اطمنت ان الباب
مقفول كويس وكانت براءه بتبصلها ومستغربه
من اللى بتعملو
” ام فرحات بوشوشه ” فهد بيه زعلان من الست
نعمات واسرار.. براءه بقلق.. لييييه ؟
” ام فرحات” اصل انا قولتلو انهم هما اللى عملو
الحريق يوم السهره الياها
براءه.. ايه.. هما اللى عملوا كده
” ام فرحات” وياريت على كده وبس وبصت حواليها.. ده كمان عاوزين يلفقوا ليكى ورقه
جواز عرفى بينك وبين راجل اسمو علام
علشان يخربوا عليكى وحطوها فى هدومك
براءه بتوتر وخوف.. يا نهار اسود.. يا نهار اسود
وفهد عرف بالكلام ده
” ام فرحات بثقه” اومال.. انا قولتلو علشان
انبهو من خوفى عليكى يا بنتى.. ده حتى
لقى الورقه ومشى بيها
براءه بفزع.. علشان كده مش بيرد عليه
يا وقعتى السوده.. ليه يارب كده
” ام فرحات ب استغراب” انتى زعلانه ليه
المفروض تفرحى ان ربنا نجاكى
براءه بانهيار وضربت بإيدها على خدها.. مش
مع فهد وطلبت منها تمشى وهى هتنام لوحدها
ام فرحات سابتها وخرجت
براءه بتكلم نفسها وبدموع وبانهيار.. انا لازم
اهرب من هنا وبسرعه وقامت علشان تحضر
شنطتها سمعت صوت فريده بتصوت
وخرجت تشوف فى ايه
كانت ماسكه جمبها وتعبانه
دخلت معاها اوضتها وقعدت معاها
وادتها العلاج بتاع جمبها ونامت معاها
غصب عنها..
___ فى صباح اليوم التالى ____
فى شقه فهد.. الفون رن الساعه 9 صباحا
وكان شريف وقالو يجهز علشان جهز التصريح
بزياره علام
قام من مكانه بسرعه البرق وبنفس هدومه
وخد عربيتو على القسم
وكان شريف فى استقبالو وخد منه التصريح
ولما طلب يروح معاه رفض
شريف قلقان من شكل فهد وبيفكر يا ترى
فى ايه حصل بعد القضيه
فهد خرج بسرعه وطلع بعربيته على سجن
الرجال وطلع التصريح ودخل يقابل علام
علام لما شاف فهد انهار وكانت مفجأه بالنسبالوا
ام فهد كانت عينو بطق شرار ومن غير
كلام طلع الورقه
علام بضحكه سخريه.. اهلا يا فهد باشا
مفيش سلاموا عليكوا
فهد بغضب.. انا مفيش بينى وبينك سلام
علام.. اومال جاى ليه يا فهد
فهد مد ايدو بالورقه فى وشه
علام.. ايه ده يا عم فى ايه؟
فهد.. اققرى الورقه كويس وعاوز منك رد حالا
علام مسك الورقه وبعد ما قرأها قعد يضحك
” فهد بغضب وبيجز على أسنانه”
اللى فالورقه ده مظبوط.. انت كنت متجوز براءه
عرفى
علام.. ايوه ومازلت متجوزها لأنى مطلقتهاش
فهد قرب منه وخنقه.. قول الحق انت اتجوزت
مراتى عرفى.. قول يأما هيكون موتك على ايدى
أنطق يا ابن الكلب
علام بيفرفر فى ايدو وبيقول بصوت متحشرج
اه اه انا اتجوزها عرفى وكانت حامل منى
واتجوزتك وهى حامل واللى فى بطنها ابنى
يا فهد
فهد نازل ضرب فيه.. لا لا انت كذاااب
علام بيطلع فى الروح فى ايدو.. عندى لاب
فى المحل لو سبتنى عايش يا فهد باشا
هقول لبنت اختى تسلموا ليك
فهد ساب ايدو وقرب منه وشدو عليه بغضب
فى ايه الاب ده.. أنطق
علام ماسك رقبته.. كنت هتموتنى
فهد.. بقولك فى ايه الاب ده
علام.. فى اثبات ان براءه مراتى
وكنت معاها فى اوضه نومنا ودلع ورقص
وكل حاجه تتوقعها
فهد ضربه بالقلم.. يا ابن الكلب
قولى بنت اختك اسمها ايه ومكانها فين بسرعه
علام.. اسمها اسماء والمكان
نفس محل الجاتوه اللى بنتى هناء
اتمسكت منه يا فهد بيه
فهد مسك الفون وطلب منه يسجل نوت فويس
بصوتو علشان اسماء تصدق وتطلع الاب
وفعلا علام سجل الفويس
وخرج لسجن.. فهد قعد على الكرسى،
منهااااار بس قاام
وخرج وركب عربيتو واتجهه لمحل الجاتوه
وضربات قلبه سريعه ومش قادر يتنفس
___ من جهه تانيه فى البيت الكبير
براءه جهزت شنطتها ومن غير ما حد يحس
نزلت علشان تهرب قبل ما فهد يرجع
وخرجت بره البيت إنما اللى مكانش على البال
ان اسرار شافتها ومشيت وراها.
__فهد شاف محل الجاتو وكان قافل
ونزل وسأل على أسماء وعرف طريق بيتها
وراح لحد عندها وقابلها وطلب، منها الاب
فى الاول رفضت وخافت بس لما سمعت
الفويس اطمنت وطلعت الاب
فهد خد الاب وطلع على الشقه
دخل الشقه وقفل الباب وطلع الاب
وقعد قصاده وشغلوا
واول حاجه شافها فيديو براءه فى غرفه
نوم بملابس داخليه والباب كان بيخبط
عليها وكانت قاعده على السرير وبكسوف
قالت.. ادخل
فهد راجع الفيديو لان الصوت مش واضح ولا الصوره.. ظبط الاب وشغل الفيديو تانى
قرب من الشاشه وعمل زووم علشان يشوف مين
ولما الباب اتفتح شاف…
