رجعت من السفر كامله بقلم هويدا زغلول
لقيت مراتي متجوزه و حامل قبل مابدا حكايتي اعرفكم بنفسي انا اسمي عمر عندي 30 سنة وكنت مسافر في شغل وقولت لمراتي عمر انا مسافر الغردقة الصبح يا أمنية عشان جالي شغل هناك ضروري أمنية هو انت مكنتش تعرف ياعمر ولا ايه انت مقولتش يعني عمر لسه عارف دلوقتي وانا راجع من الشغل اتصلو بيا وعرفوني اني لازم اسافر وهاروح بعربيتي
أمنية
غريبة انت دايما بتسافر بالطيارة ايه اللي يخليك تروح بعربيتك
عمر
عارف والله المدير هو اللي طلب مني كده على العموم عايزك تجهزيلي الشنطة قبل ماتنامي عشان هصحي الفجر امشي
أمنية
طيب ياحبيبي تروح وترجع بالسلامة
وجه الفجر صليت ونزلت ركبت العربية ومشيت
اتصل بيا شريف مديري في الشغل وصاحبي
ايه ياعمر انت في الطريق
عمر
ايوه لسه يادوب طالع من القاهرة وداخل الطريق الدولي
شريف
ربنا معاك لما توصل ابقي طمني عليك ياصاحبي
عمر
تمام ياشريف
وفي عند مراتي راحلها شريف وبيبخبط
انت ايه اللي جابك ده عمر نزل من بدري اوي
شريف
منا عارف انه نزل من بدري جدا انا جيت عشان اشوفك اصلك وحشتيني
أمنية
شريف اعقل يامجنون انا خاېفه لعمر يرجع يلاقيك عندي هنا تبقا مىصېبة
شريف
عمر مين ياحبيبتي ده عمر زمانة رااح خلاص وارتحنا منه
أمنية
نعم بتقول ايه مش فاهمة تقصد ايه ياشريف
شريف اتوتر وقال
امممم طيب لو سمحت ياشريف امشي دلوقتي وبعدين ابقى تعالي لما نطمن انه وصل
عدي يومين وأمنية اتصلت بشريف وقالتله
وبعدين ياشريف مفيش اي اخبار عن عمر انا قلقانة اوي عليه
يا أمنية انا مش عارف اقولك ايه بس انا عندي خبر وحش
أمنية اتخضت وقالت
عمر جراله حاجة ياشريف مش كده انا قلبي كان حاسس ايه اللي حصل ياشريف متخبيش عليا
شريف
بصراحة كده لما عمر اتأخر ومش عارفين عنه حاجة كلمنا الشرطة والكماين وعرفنا انه عربيتة ولعت في الطريق وتقريبا عمر راح
أمنية بټعيط
انت بتقول ايه ياشريف يعنى عمر خلاص راح
شريف
اهدي يا أمنية متعمليش في نفسك كده
وراحو اصحابي البيت في العزا
وبعد اسبوعين
شريف
انتي هتفضلي عاملة كده في نفسك يا أمنية عمر خلاص مش راجع تاني
ياشريف يابني دي من ساعت خبر جوزها ده وهي مش حاسة بحد وفي دنيا تانيه
شريف
منا بقولها اهو ياطنط وبعدين انتي صغيرة على الحزن يا أمنية اخرجي من الحزن ده
أمنية
ارجوك ياشريف انا نفسيتي تعبانه ومش عايزة اتكلم مع حد
الام
اه والله ياطنط دي حتى أمنية دي غاليه عندي اوي اقصد يعني زي اختي بالظبط والمرحوم كان اخويا
الام
الله يرحمة يابني ده عمر ده مكنش فيه منه والله قىطع بيا خالص
وفي مكان تاني بفتح عنيا وبفوق وبقول
انا فين انا فين
مختار
حمد الله على السلامة يا بني
عمر
الله يسلمك ياعم الحج هو انا فين
مختار
انت هنا في
بيتي انا عمك مختار ودي الحجة ام ندى مراتي بس انا يابني معرفش انت اسمك ايه
عمر
انا انا معرفش انا مين وايه اللي جابني هنا انتو جبتوني
هنا ازاى
مختار
انا هحكيلك يابني انا كنت في الأرض بتاعتي على الطريق وبعدين لقيت الناس بتجري وبتقول الحقو في عربيه مولـ،ـعه جامد
فلاش باك
مختار
ياساتر يارب في ايه ياولاد ايه اللي حصل ده
مجهول
ياساتر طيب يابني كان فيها حد
مجهول
ايوه كان واحد اللي سايق بس تقريبا كان لوحده وشكله كده اتفحم الله يرحمة
مختار
لا حول ولا قوة الا بالله الطف يارب
عمر
اااه اااه الحقوني
مختار
ايه الصوت ده انت مين انت يابني
فضلت اكلمك لقيتك اغمى عليك جبتك على هنا في البيت وجبتلك الدكتور وعملك اللازم وقال انك هتفضل في غيبوبة كده فترة واهو انت لسه بتفوق
عمر
طيب هو احنا فين وانا بقالي اد ايه
مختار
احنا قربين من الغردقة بكام كيلو انا بيتي على الطريق عشان انا فلاح وساكن في الأرض بتاعتي
عمر
طيب انا مكنش معايا اي حاجة تثبت شخصيتي عشان تعرفو انا مين
مختار
الڼار اكلت العربية بكل حاجة فيها بس انت ربنا نجاك لانك شكلك لما لقيت العربية بتولىع رميت نفسك بعيد عنها وربنا سترها معاك
مش فاكر اي حاجة خالص انا مش عارف انا مين وايه اللي حصل طيب انا ليا اهل او قرايب او اي حد ياربي دماغي ھتنفحر ياعم مختار
مختار
اهدي يابني ان شاء الله ربنا يزيح عنك قوم بس الاول كول لقمة وانا هبعت اجيب الدكتور عشان يشوف حالتك
الحجة
انا عملتلك اكل هتاكل صوابعك وراه يابني يلا عشان تاكل
عمر
تعبت حضرتك معايا ياحجة انتي وعم مختار انا مش عارف اقولكم ايه
الحجة
متقولش حاجة انت زي ابننا مع اني مخلفتش ولاد غير هي بنت واحدة بس
اومال هي فين
الحجة
بتشتغل ممرضه في المستشفى بس بترجع اخر النهار ماهي اللي كانت بتعلقلك المحاليل وتديك الحقن
عمر
ربنا يبارك فيكم ياحجة
ورجعت ندى وقالت
حمد الله على سلامتك يا استاذ
عمر
الله يسلمك انتي ندى مش كده برضو
ندى
ايوه انا وكنت الممرضه بتاعتك كمان بس بابا قالي انك مش فاكر اي حاجة خالص عنك ولا تعرف انت مين
عمر
دي حقيقة ياندي انا فعلا مش فاكر اي حاجة ولا عارف انا مين وجيت هنا ازاى ونفسي افتكر اي حاجة
العموم انا اتكلمت مع الدكتور وقالي انها هتبقا حاله وتعدي بالعلاج ان شاء الله هترجع تتذكر كل حاجة واحدة واحدة
عمر
يارب ياندي يحصل عشان اعرف انا مين
مختار
ولحد ماتعرف بقا انت هتفضل معانا هنا يابني ونشيلك على راسنا
عمر
انت كتر خيرك ياعم مختار انا مش عايز اتقل عليكم انا لازم امشي اشوف اي مكان اقعد فيه
ندى
اي مكان ازاى وانت مش عارف اي حاجة عن نفسك لو خرجت بحالتك دي هتتعب جدا وتبقا
تايه خليك هنا لحد ان شاء الله ماتتعفا تماما
شريف
وبعدين يا أمنية عدي شهرين وانتي لسه في الحزن ولا عارف اكلمك ولا عارف اشوفك حتى
أمنية
عايزني اعمل ايه يا شريف متنساش ان اللي راح ده كان جوزي ولو انا
